वृत्तसंस्था
ब्रॅम्प्टन : Canada कॅनडातील ब्रॅम्प्टन येथील हिंदू सभा मंदिराबाहेर खलिस्तानी समर्थकांच्या निदर्शनात सहभागी झालेल्या एका पोलिस अधिकाऱ्याला निलंबित करण्यात आले आहे. सीबीएस न्यूजनुसार, हरिंदर सोही नावाची व्यक्ती पील प्रादेशिक पोलिस दलात अधिकारी आहे.Canada
रविवारी (३ नोव्हेंबर) तो मंदिराबाहेर खलिस्तानी ध्वज फडकवताना दिसला. पील पोलिस मीडिया अधिकारी रिचर्ड चिन यांनी सांगितले की, पोलिसांना मंदिराबाहेरील हिंसाचाराशी संबंधित फुटेज सापडले आहेत, जे सोशल मीडियावर व्हायरल होत आहेत. यामध्ये पोलिस अधिकारी निदर्शनात सहभागी होताना दिसत आहेत. या प्रकरणाचा तपास सुरू आहे.
हिंदू मंदिराबाहेर भारतीय कौन्सुलर अधिकाऱ्यांवर हल्ला केल्याप्रकरणी आत्तापर्यंत 3 जणांवर गुन्हा दाखल करण्यात आला आहे. पील पोलिसांनी सांगितले की, मंदिराबाहेर हिंसाचार व्यतिरिक्त, त्याच्या आजूबाजूच्या इतर ठिकाणीही निदर्शने झाली आहेत.
जयशंकर म्हणाले- पुराव्याशिवाय आरोप करण्याची कॅनडाला सवय लागली आहे
पोलिस प्रमुख निशान दुरैप्पा यांनी सांगितले की, त्यांना हल्ल्याची माहिती आधीच मिळाली होती. प्रत्येकाला आपले मत मांडण्याचा आणि व्यक्त करण्याचा अधिकार आहे, परंतु या काळात कोणत्याही प्रकारचा हिंसाचार किंवा गुन्हा स्वीकारला जाणार नाही. हिंसाचारात सहभागी असलेल्यांना अटक करून शिक्षा केली जाईल.
To be published, comments must be reviewed by the administrator.*
Our website uses cookies to improve your experience. Learn more
Download App
