ओडिशातील जनता बीजेडी सरकारला उखडून टाकेल – विष्णुदेव साई

By, Pravin Wankhade - May 18, 2024 07:18:39

0

‘काँग्रेसची दुर्दशा संपूर्ण देश पाहतोय’, असा टोलाही लगावला आहे.

छत्तीसगडचे मुख्यमंत्री विष्णुदेव साई सध्या इतर राज्यांमध्ये भाजपचा प्रचार करत आहेत. ओडिशातील सुंदरगड लोकसभा मतदारसंघातील जांपली येथे त्यांनी मोठ्या जाहीर सभेला संबोधित केले. निवडणूक सभेला संबोधित केल्यानंतर प्रसारमाध्यमांशी बोलताना मुख्यमंत्री विष्णुदेव साई यांनी काँग्रेसवर जोरदार निशाणा साधला. ते म्हणाले की, आज संपूर्ण देश काँग्रेसची दुर्दशा पाहत आहे.People of Odisha will topple BJD Govt Vishnudev Sai

‘ओडिशातील सर्व जिल्ह्यांची नावे सांगा’ ; मोदींचे नवीन पटनायक यांना आव्हान!

निवडणूक रॅलीत काँग्रेसवर हल्लाबोल करताना मुख्यमंत्री विष्णुदेव साई यांनी राहुल गांधी आणि सोनिया गांधी यांच्या प्रचाराबाबतच्या प्रश्नालाही उत्तर दिले. मुख्यमंत्री साई म्हणाले की, सर्वजण निवडणुकीचा प्रचार करतील पण आज संपूर्ण देश काँग्रेसची दुर्दशा पाहत आहे. काँग्रेस पक्षाने देशातील जनतेचा विश्वास गमावला आहे. देशात पुन्हा एकदा भारतीय जनता पक्षाचे सरकार येणार असून नरेंद्र मोदी तिसऱ्यांदा पंतप्रधान होणार आहेत.

यासोबतच ते म्हणाले की, ओडिशातील त्यांचा हा पाचवा दिवस आहे, आतापर्यंत त्यांनी नवरंगपूर, कोरापुट, कालाहंडी, बारगढ, बालनगीरसह अनेक लोकसभा मतदारसंघात निवडणूक सभांना संबोधित केले आहे. या काळात त्यांनी ओडिशात भाजपबाबत चांगले वातावरण पाहिले आहे. यावेळी निवडणुकीत ओडिशात मोठ्या प्रमाणावर बदल पाहायला मिळतील.

ओडिशातील जनता २५ वर्षांच्या बीजेडी सरकारला उखडून टाकेल. त्यानंतर येथे दुहेरी इंजिनचे सरकार तयार होईल. देशातील जनता मोदींना पंतप्रधान म्हणून निवडून देत आहे हे इथे सर्वांना माहीत आहे. त्याचवेळी, भारतीय जनता पक्षाचे सरकार स्थापन झाल्यास विकास झपाट्याने होईल, असा विश्वास ओडिशातील जनतेला आहे.