Mithuns : मिथुनच्या बोलण्याने चिडला पाकिस्तानी गँगस्टर शहजाद भाटी, दिली धमकी!

By, Pravin Pawar - November 11, 2024 08:00:35

0

शहजाद भट्टी हा गँगस्टर लॉरेन्स बिश्नोईचा जवळचा असल्याचे बोलले जाते.

विशेष प्रतिनिधी

कोलकाता : Mithuns ज्येष्ठ अभिनेते मिथुन चक्रवर्ती यांना पाकिस्तानी गँगस्टर शेहजाद भट्टीने धमकी दिली आहे. अभिनेत्याच्या कथित भडकाऊ भाषणानंतर त्याने ही धमकी दिली आहे. शहजादने अभिनेत्याला माफी मागण्याचा सल्लाही दिला आहे. ही धमकी त्यांनी दुबईतून दिली आहे Mithuns

दादासाहेब फाळके पुरस्कार विजेते मिथुन चक्रवर्ती यांनी गेल्या महिन्यात उत्तर 24 परगणा जिल्ह्यात एका पक्षाच्या कार्यक्रमादरम्यान भडकाऊ भाषण केले होते. यानंतर त्यांच्यावर एफआयआर दाखल करण्यात आला. अभिनेता आणि भाजप नेते मिथुन यांनी 27 ऑक्टोबर रोजी उत्तर 24 परगणा जिल्ह्यात झालेल्या भाजपच्या कार्यक्रमात हे भाषण केले होते. यावर आता पाकिस्तानी गुंडाने मिथुन यांना धमकी दिली आहे.

British Prime Minister : ब्रिटीश पंतप्रधानांवर हिंदूंच्या भावना दुखावल्याचा आरोप; दिवाळीच्या उत्सवात मांसाहार आणि दारू दिली; हिंदू संघटनांचा आक्षेप

या गुंडाने अभिनेत्याला 10 ते 15 दिवसांत माफी मागण्याचा सल्ला दिला असून तसे न केल्यास पश्चाताप करावा लागेल, अशी धमकीही दिली आहे. पाकिस्तानी गँगस्टरने म्हटले आहे की, ‘मिथुन सर, माझी तुमच्यासाठी एक सूचना आहे. तुम्ही 10-15 दिवसात तुमचा व्हिडिओ रिलीज करा आणि माफी मागा. तुम्ही माफी मागणे तुमच्यासाठी चांगले आहे आणि आपण तसे करणे योग्य आहे. तुम्ही माझे मन दुखावले आहे. तुमच्यावर इतर धर्माच्या लोकांनी जितके प्रेम केले आहे, तितकेच मुस्लिमांनीही तुमचा आदर केला आहे.

डॉन शहजादनेही अभिनेत्याच्या वयावर भाष्य केले आहे. तसेच ‘तुम्ही माफी मागितली नाही, तर मी केलेल्या कृत्याचा तुम्हाला पश्चाताप करावा लागेल’, अशी धमकीही दिली. शहजाद भट्टी हा गँगस्टर लॉरेन्स बिश्नोईचा जवळचा असल्याचे बोलले जाते.