संसदेच्या मूळ कामकाजाला हरताळ फासून अभिरूप संसद भरविण्याचा विरोधकांचा मनसूबा

वृत्तसंस्था

नवी दिल्ली : पेगासस स्पायवेअरपासून कृषी कायद्यांपर्यंत या सर्व मुद्द्यांवर संसदेचे मूळ कामकाज बंद पाडून अभिरूप संसद भरविण्याचा विरोधकांचा मनसूबा आहे.Opposition’s plan to fill the parliament with a strike by disrupting the basic functioning of the parliament

संसदेचे दिवसभराचे कामकाज काँग्रेससह सर्व विरोधी पक्षांनी गदारोळ करून आज बंद पाडले. संसदेच्या दोन्ही सभागृहांमध्ये फक्त सुपरस्टार बॅडमिंटनपटू पी व्ही सिंधू हिने दोन ऑलिंपिक पदके मिळवल्याबद्दल तिचे अभिनंदन करण्यात आले. त्यानंतर काँग्रेससह सर्व विरोधकांनी एकत्र येऊन लोकसभा आणि राज्यसभा यांचे कामकाज गदारोळ करून बंद पाडले. सरकारला स्वतः मांडत असलेली विधेयके रेटून न्यायची आहेत.

Parliament Session : संसदेच्या दोन्ही सदनांमध्ये दोन वेळा कार्यवाही स्थगित, विधेयकांवर चर्चेस अडथळे

त्यांना विरोधकांनी उपस्थित केलेल्या मुद्द्यांना उत्तरे द्यायची नाहीत, असा आरोप काँग्रेसचे नेते आणि राज्यसभेतील विरोधी पक्षनेते मल्लिकार्जुन खर्गे यांनी केला. पेगासस स्पायवेअरचा मुद्दा संपूर्ण जगभरात चर्चिला गेलेला असताना मोदी सरकार या विषयावर चर्चा करू इच्छित नाही, असा आरोप लोकसभेतील काँग्रेसचे नेते अधीर रंजन चौधरी यांनी केला.

संसदेचे कामकाज बंद पडल्यानंतर विरोधी पक्षांची आज छोटी बैठक झाली. उद्या सर्व विरोधकांची स्वतंत्र बैठक होणार असून त्यामध्ये संसद अधिवेशनात पुढची भूमिका ठरविण्यात येणार आहे. विरोधकांपैकी काही पक्षांचा अभिरूप संसद (Mock Parliament) भरविण्याचा इरादा आहे.

Opposition Party floor leaders from Lok Sabha&Rajya Sabha to meet tomorrow in Delhi to discuss strategy for Monsoon session. Rahul Gandhi to attend the meet, few Opposition parties are of the view that a mock Parliament session should be convened, decision after the meet: Sources

— ANI (@ANI) August 2, 2021

अभिरूप संसद म्हणजे संसदेबाहेर संसदे सारखेच नियम चालवून बैठक घेणे. त्यामध्ये ठराव, विधेयके पास करणे. हे प्रकार करून सरकारवर दबाव वाढविण्याचा विरोधकांचा मनसूबा दिसतो आहे. उद्याच्या बैठकीत काँग्रेसचे वायनाडचे खासदार राहुल गांधी हे सहभागी होणार आहेत. अभिरूप संसद भरविण्याचा अंतिम निर्णय उद्याच्या बैठकीत घेण्यात येईल.