Jagdeep Dhankhar : राज्यसभेचे सभापती जगदीप धनखड यांच्याविरोधात अविश्वास प्रस्ताव

By, Pravin Wankhade - December 10, 2024 06:00:05

0

यासाठी विरोधकांनी कलम 67 (बी) अन्वये सभागृहात अविश्वास प्रस्ताव मांडला.

विशेष प्रतिनिधी

नवी दिल्ली : Jagdeep Dhankhar संसदेचे हिवाळी अधिवेशन सुरू आहे. मंगळवारी संसदेच्या दोन्ही सभागृहांचे कामकाज बुधवारपर्यंत तहकूब करण्यात आले. मात्र, त्यापूर्वीच विरोधकांनी राज्यसभेत सभापती जगदीप धनखड यांच्याविरोधात अविश्वास ठराव मांडला. राज्यसभेच्या सभापतींच्या कारभारामुळे संतप्त झालेल्या विरोधकांनी सभापतींविरोधात अविश्वास प्रस्ताव आणण्याचा निर्णय घेतला आहे. या प्रस्तावात सभापतींवर सभागृहात पक्षपाती कारभाराचा आरोप करण्यात आला आहे. यासाठी विरोधकांनी कलम 67 (बी) अन्वये सभागृहात अविश्वास प्रस्ताव मांडला.Jagdeep Dhankhar

राज्यसभेचे अध्यक्ष जगदीप धनखड यांच्याविरोधात आणलेल्या अविश्वास प्रस्तावावर जवळपास ७० विरोधी खासदारांनी स्वाक्षरी केली आहे. ज्यामध्ये काँग्रेस, तृणमूल काँग्रेस, आम आदमी पार्टी, समाजवादी पार्टी आणि इतर अनेक छोटे पक्षही या मुद्द्यावर एकवटले आहेत.

Shri Krishna Janmabhoomi : श्रीकृष्ण जन्मभूमी-ईदगाह वादावरील सुप्रीम कोर्टातील सुनावणी पुढे ढकलली; एकत्रित सुनावणी मुस्लीम पक्षाचा आक्षेप

याआधीही विरोधकांनी पावसाळी अधिवेशनात ऑगस्टमध्ये सभापतींविरोधात स्वाक्षरी मोहीम सुरू केली होती. मात्र त्यावेळी कोणतीही कारवाई न करण्याचा निर्णय घेतल्याने आता पुन्हा एकदा इंडि आघाडीच्या अनेक नेत्यांनी अध्यक्ष जगदीप धनखड यांच्याविरोधात नाराजी व्यक्त करत अविश्वास प्रस्ताव आणण्याचा निर्णय घेतला आहे. राज्यसभा अध्यक्षांनी पक्षपाती वृत्ती दाखवल्याचा आरोप विरोधी सदस्यांनी केला आहे.

याआधी विरोधकांनी सांगितले होते की, अविश्वास प्रस्तावावर सुमारे ७० खासदारांनी स्वाक्षरी करावी लागेल. ज्यामध्ये इंडि आघाडीच्या सर्व पक्षांचा यात समावेश असल्याचे सांगण्यात आले होते. तृणमूल आणि काँग्रेस यांच्यात सुरू असलेल्या मतभेदामुळे तृणमूल काँग्रेस पाठिंबा देणार नाही, असे पूर्वी मानले जात होते, परंतु आता टीएमसीशिवाय समाजवादी पक्षानेही अविश्वास ठरावाला पाठिंबा दिला असून दोन्ही पक्षांच्या सदस्यांनी पाठिंबा दिला असल्याची माहिती मिळाली आहे. अविश्वास ठरावावरही स्वाक्षरी केली आहे