Nitin Gadkari : ‘…पण आठवले मंत्री नक्की होतील’, नितीन गडकरींनी रामदास आठवलेंना लगावला टोला!

By, Pravin Wankhade - September 23, 2024 08:00:49

0

नागपूरमधील एका कार्यक्रमात बोलताना गडकरींनी गंमतीने हे विधान केलं आणि त्यानंतर सर्वांना हसू आलं

विशेष प्रतिनिधी

नागपूर : केंद्रीय परिवहन मंत्री नितीन गडकरी ( Nitin Gadkari ) यांनी नागपुरात एका कार्यक्रमादरम्यान मोदी सरकारमधील मंत्री आणि रिपब्लिकन पार्टी ऑफ इंडियाचे प्रमुख रामदास आठवले यांना टोला लगावला. गडकरी म्हणाले मस्करीत म्हणाले की, चौथ्यांदा आमचे सरकार येईल याची शाश्वती नाही, मात्र रामदास आठवले मंत्री होतील हे मात्र निश्चित.

केंद्रीय मंत्री नितीन गडकरी रविवारी नागपुरात आयोजित एका कार्यक्रमात बोलत होते. ज्यामध्ये केंद्रीय मंत्री रामदास आठवलेही उपस्थित होते. अनेक सरकारांच्या मंत्रिमंडळात सदस्य राहिलेले मंत्रिमंडळ सहकारी रामदास आठवले यांच्याबाबत गडकरी मस्करीत म्हणाले की, चौथ्यांदा आमचे सरकार परत येईल याची शाश्वती नाही, मात्र रामदास आठवले चौथ्यांदा सरकारमध्ये असतील याची खात्री आहे. यावेळी तेथे उपस्थित प्रत्येकजण हसला

Manoj Jarange : तिसऱ्या आघाडीतले नेते संभाजीराजे मनोज जरांगेंच्या भेटीला; आता सरकारसकट विरोधी पक्षांनाही दिला इशारा!!

राष्ट्रीय जनता दलाचे प्रमुख लालू प्रसाद यादव यांचे उदाहरण देत नितीन गडकरी म्हणाले की, लालूंनी एकदा रामविलास पासवान यांना ‘राजकारणाचे महान हवामानशास्त्रज्ञ’ म्हटले होते. आठवले यांना राजकारणातील चढ-उतार चांगलेच माहीत असल्याचे या उपमावरून दिसून येते. मात्र, नंतर गडकरी म्हणाले की, मी विनोद करत होतो.

गडकरी पुढे म्हणाले की, रामदास आठवले यांना मी मनापासून शुभेच्छा देतो. त्यांना चांगले आयुष्य आणि निरोगी आयुष्य लाभो. मी तुम्हा सर्वांच्या वतीने ही प्रार्थना करतो. मला विश्वास आहे की त्यांनी आपले संपूर्ण आयुष्य दलित आणि शोषित लोकांसाठी समर्पित केले. रिपब्लिकन पार्टी ऑफ इंडिया (RPI) नेते रामदास आठवले मोदी सरकारमध्ये तिसऱ्यांदा मंत्री झाले आहेत.