2024 मध्ये एनडीएची हॅट्ट्रिकची तयारी, 338 खासदारांचे 10 गट तयार केले, पंतप्रधान मोदी स्वतः दररोज फीडबॅक घेणार|NDA prepares for hat-trick in 2024, forms 10 groups of 338 MPs, PM Modi himself to take daily feedback

2024 मध्ये एनडीएची हॅट्ट्रिकची तयारी, 338 खासदारांचे 10 गट तयार केले, पंतप्रधान मोदी स्वतः दररोज फीडबॅक घेणार

वृत्तसंस्था

नवी दिल्ली : 2024च्या निवडणुकीचे बिगुल वाजले आहे. भाजपप्रणीत एनडीए आणि विरोधी आघाडी यांच्यात थेट लढत आहे. या लढतीसाठी राष्ट्रीय लोकशाही आघाडीने (एनडीए) पूर्ण ताकदीने तयारी सुरू केली आहे. 2014, 2019 मध्ये जिंकल्यानंतर एनडीए 2024 मध्ये हॅट्ट्रिक करण्याचा प्रयत्न करत आहे. यामुळेच एनडीएने मोठा आराखडा तयार केला आहे. संसदेच्या पावसाळी अधिवेशनात पंतप्रधान नरेंद्र मोदी स्वतः रोज एनडीएच्या खासदारांसोबत बैठका घेणार आहेत.NDA prepares for hat-trick in 2024, forms 10 groups of 338 MPs, PM Modi himself to take daily feedback

एनडीएचे सध्या लोकसभेत 338 सदस्य आहेत. एनडीएचे खासदार 10 गटांत विभागले गेले आहेत. 25 जुलैपासून या बैठकांना सुरुवात होणार आहे. प्रत्येक गटात विशिष्ट मतदारसंघातील 35 ते 40 संसद सदस्य (खासदार) असतील. 2024 च्या निवडणुका तोंडावर आल्याने या बैठकाही महत्त्वाच्या मानल्या जात आहेत.

मणिपूरमध्ये दोन महिलांबाबत घडलेल्या ‘त्या’ अत्यंत संतापजनक प्रकारावर पंतप्रधान मोदींची प्रतिक्रिया, म्हणाले…

प्रादेशिक आधारावर खासदारांचे गट तयार झाले

खासदार प्रादेशिक आधारावर गटांमध्ये विभागले गेले आहेत. प्रत्येक गटात दोन प्रदेशातील खासदारांचा समावेश असेल. पहिल्या दिवशी 25 जुलै रोजी पंतप्रधान नरेंद्र मोदी उत्तर प्रदेश आणि ईशान्येकडील नेत्यांची भेट घेणार आहेत. या बैठका दोन भागांत होणार आहेत. पहिली संध्याकाळी साडेसहा वाजता आणि दुसरी संध्याकाळी साडेसात वाजता.

पंतप्रधान विकासकामांचा अभिप्राय घेणार

पंतप्रधान मोदी, भाजप अध्यक्ष जेपी नड्डा आणि संरक्षण मंत्री राजनाथ सिंह या बैठकांना उपस्थित राहणार आहेत. तिन्ही नेते खासदारांशी चर्चा करतील आणि आपापल्या भागातील समस्या आणि विकासकामांबाबत अभिप्रायही घेतील. त्याचबरोबर संजीव बल्यान आणि अजय भट्ट यांच्यासह अन्य केंद्रीय मंत्री आणि पक्षाच्या पदाधिकाऱ्यांवर बैठकांच्या समन्वयाची जबाबदारी सोपवण्यात आली आहे. भारतीय जनता पक्षाच्या वतीने सरचिटणीस तरुण चुग आणि राष्ट्रीय सचिव ऋतुराज सिन्हा समन्वय साधणार आहेत.

एनडीए पंतप्रधान मोदींच्या नेतृत्वाखाली निवडणूक लढवणार

दरम्यान, खासदारांना त्यांच्या कामकाजाचा अहवाल तयार करण्यास सांगण्यात आले आहे. एनडीएला 25 वर्षे पूर्ण झाल्यानिमित्त या बैठका होत आहेत. याआधी 18 जुलै रोजी दिल्लीतील अशोका हॉटेलमध्ये आघाडीत सहभागी असलेल्या 39 पक्षांची बैठक झाली होती. युतीने दावा केला की ते 2024च्या लोकसभा निवडणुका पीएम मोदींच्या नेतृत्वाखाली लढतील आणि प्रचंड बहुमताने सलग तिसऱ्यांदा सत्तेवर येतील.