मिझोरममध्ये म्यानमारच्या लष्करी विमानाला भीषण अपघात

By, Pravin Wankhade - January 23, 2024 06:00:05

0

धावपट्टीवरून घसरले, सहा जण जखमी

विशेष प्रतिनिधी

लेंगपुई : मिझोराममध्ये मंगळवारी सकाळी मोठी दुर्घटना घडली. येथील लेंगपुई विमानतळावर म्यानमार लष्कराचे विमान धावपट्टीवरून घसरले. विमानात पायलटसह 14 जण होते असे वृत्त आहे. यातील सहा जण जखमी झाले आहेत. जखमींना लेंगपुई रुग्णालयात दाखल करण्यात आले आहे.Myanmar military plane crashes in Mizoram

वंचित बहुजन आघाडीचे नेते सुजात आंबेडकर यांचा इंडिया आघाडीला इशारा; तुम्हाला संधी दिली होती पुन्हा रडत येऊ नका

म्यानमारच्या सैनिकांना घेण्यासाठी हे विमान म्यानमारहून मिझोरामला आले होते. मात्र, लेंगपुई विमानतळाच्या आव्हानात्मक धावपट्टीमुळे म्यानमार लष्कराचे शांक्सी Y-8 विमान लँडिंगच्या वेळी धावपट्टीवरून घसरले.

भारताने सोमवारी म्यानमारच्या 184 सैनिकांना त्यांच्या देशात परत पाठवले होते, जे गेल्या आठवड्यात जातीय बंडखोर गटाशी झालेल्या चकमकीनंतर मिझोराममध्ये आले होते. एका अधिकाऱ्याने मंगळवारी ही माहिती दिली.

आसाम रायफल्सच्या अधिकाऱ्याने दिलेल्या माहितीनुसार, मिझोराममध्ये एकूण 276 सैनिक आले होते, त्यापैकी 184 सैनिकांना परत पाठवण्यात आले आहे. उर्वरित सैनिकही लवकरच त्यांच्या देशात परत जातील.