Mukesh Ambani : ट्रम्प यांच्या शपथविधी सोहळ्याला मुकेश अंबानी उपस्थित राहणार; ट्रम्प यांच्यासोबत कँडललाइट डिनर घेणार

By, Pravin Wankhade - January 18, 2025 10:30:33

0

वृत्तसंस्था

नवी दिल्ली : Mukesh Ambani भारतातील सर्वात श्रीमंत व्यक्ती मुकेश अंबानी आणि त्यांची पत्नी डोनाल्ड ट्रम्प यांच्या शपथविधी सोहळ्याला उपस्थित राहण्यासाठी अमेरिकेला जाणार आहेत. वृत्तसंस्था एएनआयने दिलेल्या माहितीनुसार, ट्रम्प यांच्या शपथविधी कार्यक्रमाशी संबंधित एका अधिकाऱ्याने ही माहिती दिली आहे.Mukesh Ambani

अंबानी 18 जानेवारीला वॉशिंग्टन डीसीला पोहोचतील. रिपोर्टनुसार, शपथविधी सोहळ्यात अंबानी दाम्पत्याला महत्त्वाची जागा मिळणार आहे. ते ट्रम्प मंत्रिमंडळातील नामनिर्देशित सदस्य आणि निवडून आलेल्या अधिकाऱ्यांसोबत बसतील.

Fadnavis : राज्यात नावीन्यता शहराची स्थापना करणार; स्टार्टअप धोरणाचा नवीन मसुदा तयार; फडणवीसांची राष्ट्रीय स्टार्टअप दिवस कार्यक्रमात घोषणा

याशिवाय मंत्रिमंडळाचा स्वागत समारंभ आणि उपराष्ट्रपतींचा डिनरही होणार आहे, ज्यात अंबानी कुटुंबीय सहभागी होणार आहे. नीता आणि मुकेश अंबानी 19 नोव्हेंबरला रात्री राष्ट्राध्यक्ष ट्रम्प आणि उपाध्यक्ष जेडी व्हॅन्स यांच्यासोबत कँडललाइट डिनरमध्ये सहभागी होतील.

शपथविधीदरम्यान ट्रम्प अमेरिकेचे 47 वे राष्ट्राध्यक्ष म्हणून शपथ घेतील. याआधी त्यांनी 2017 ते 2021 दरम्यान 45 वे राष्ट्रपती म्हणून काम केले होते.

शपथविधीला 3 माजी राष्ट्राध्यक्ष उपस्थित राहणार

ट्रम्प यांच्या शपथविधी सोहळ्याला राष्ट्राध्यक्ष जो बायडेन, त्यांची पत्नी जिल बायडेन, उपाध्यक्ष कमला हॅरिस आणि त्यांचे पती डग एमहॉफ उपस्थित राहणार आहेत. मात्र, गेल्या वेळी ट्रम्प यांनी बायडेन यांच्या शपथविधी सोहळ्यात सहभाग घेतला नव्हता. अमेरिकेच्या 150 वर्षांच्या इतिहासात असे करणारे ते पहिले राष्ट्राध्यक्ष होते.

ट्रम्प यांच्या अनुपस्थितीत अध्यक्षपदाची जबाबदारी तत्कालीन उपराष्ट्रपती माइक पेन्स यांनी पार पाडली होती. यावेळी माजी राष्ट्राध्यक्ष बराक ओबामा, जॉर्ज डब्ल्यू बुश, त्यांच्या पत्नी लॉरा बुश आणि बिल क्लिंटन आणि हिलरी क्लिंटन हे देखील शपथविधी सोहळ्याला उपस्थित राहणार असल्याचे सांगण्यात येत आहे. या सोहळ्याला मिशेल ओबामा उपस्थित राहणार नाहीत.

परदेशी पाहुण्यांना पहिल्यांदा निमंत्रित, जयशंकर भारतातून जाणार

राष्ट्राध्यक्षांच्या शपथविधी सोहळ्यासाठी परदेशी नेत्यांना आमंत्रित करण्याची अमेरिकेच्या इतिहासात ही पहिलीच वेळ आहे. वृत्तानुसार, इटलीच्या पंतप्रधान जॉर्जिया मेलोनी, एल साल्वाडोरचे अध्यक्ष नायब बुकेले, हंगेरीचे व्हिक्टर ऑर्बन, इस्रायलचे पंतप्रधान बेंजामिन नेतन्याहू आणि अर्जेंटिनाचे राष्ट्राध्यक्ष जेवियर मिली ट्रम्प यांच्या शपथविधी समारंभाला उपस्थित राहणार आहेत.

भारताकडून परराष्ट्र व्यवहार मंत्री एस जयशंकर यांच्याशिवाय क्वाड देशांचे परराष्ट्र मंत्रीही उपस्थित राहणार आहेत. एलन मस्क व्यतिरिक्त जेफ बेझोस, मार्क झुकरबर्ग आणि सॅम ऑल्टमन हे अमेरिकन उद्योगपती उपस्थित राहू शकतात.