काश्मिरात एक लाखाहून जास्त काश्मिरी पंडित होणार मतदार, भाजपने म्हटले- काश्मिरी पंडितांना लोकशाही अधिकार देण्याच्या दिशेने मोठे पाऊल|More than one lakh Kashmiri Pandits will be voters in Kashmir, BJP said - a big step towards giving democratic rights to Kashmiri Pandits

काश्मिरात एक लाखाहून जास्त काश्मिरी पंडित होणार मतदार, भाजपने म्हटले- काश्मिरी पंडितांना लोकशाही अधिकार देण्याच्या दिशेने मोठे पाऊल

प्रतिनिधी

श्रीनगर : विस्थापित काश्मिरी पंडितांना काश्मीरचे मतदार बनविण्याची मोहीम प्रशासन राबवत आहे. देशभरात स्थायिक झालेल्या सुमारे 1.20 लाख काश्मिरी स्थलांतरितांना काश्मीरमध्ये खरे मतदार बनवण्यासाठी 20 टीम तयार करण्यात आल्या आहेत. मदत आणि पुनर्वसन संस्थेच्या पथकांनी यापूर्वीच मुंबई, पुणे आणि चंदिगडला भेट दिली आहे. आता बंगळुरू, अहमदाबाद आणि दिल्ली एनसीआरला ते जातील.More than one lakh Kashmiri Pandits will be voters in Kashmir, BJP said – a big step towards giving democratic rights to Kashmiri Pandits

काश्मिरी पंडित विस्थापितांना लोकशाही प्रक्रियेत सहभागी करून घेण्याचा प्रयत्न सरकारने पहिल्यांदाच केला आहे. अनेक काश्मिरी पंडित हे राहत असलेल्या ठिकाणचे मतदार आहेत. जम्मू आणि काश्मीरचा मतदार म्हणून पात्र होण्यासाठी त्यांना सध्याच्या पत्त्यावर बनवलेले मतदार कार्ड रद्द करावे लागेल, कारण निवडणूक आयोगाची स्पष्ट सूचना आहे की एखादी व्यक्ती एका वेळी भारतात फक्त एकाच ठिकाणाहून मतदार असू शकते.

गुलाम नबी आझादांचा काँग्रेसला दणका : जम्मू-काश्मिरात माजी उपमुख्यमंत्र्यांसह 64 नेत्यांचा काँग्रेसला रामराम

20 एप्रिल रोजी मतदार यादीतील नावनोंदणी प्रक्रिया पूर्ण होईल. हे उल्लेखनीय आहे की, भाजप सर्व काश्मिरी पंडितांना काश्मीरमधूनच मतदार म्हणून नोंदणी करण्यासाठी निवडणूक आयोगाकडे लॉबिंग करत आहे. काही फुटीरतावादी संघटनांच्या बहिष्काराच्या इशाऱ्यामुळे गेल्या विधानसभा निवडणुकीत काश्मीरमधील अनेक जागांवर अत्यंत कमी मतदान झाले होते.

18 वर्षे वयाच्या नवीन काश्मिरी मतदारांकडून फॉर्म भरले जात आहेत

मोहिमेचा एक भाग म्हणून, देशाच्या विविध भागांत राहणाऱ्या 18 वर्षे वयाच्या नवीन काश्मिरी पंडित मतदारांचे फॉर्म भरले जात आहेत. विस्थापित काश्मिरी पंडितांच्या नव्या पिढीला काश्मीरचे मतदार ओळखपत्र बनवावे, असे प्रशासनाचे मत आहे. भाजपचे प्रवक्ते अजय भारती यांनी काश्मिरी पंडितांना लोकशाही अधिकार देण्याच्या दिशेने हे मोठे पाऊल असल्याचे म्हटले आहे.

बहिष्काराचा परिणाम बिगर मुस्लिम मतदारांमध्येही दिसून आला

2014 च्या राज्य निवडणुकीत जम्मू आणि काश्मीरमध्ये 61% मतदान झाले होते. मात्र, अनेक मतदारसंघात निवडणुकीवर बहिष्कार टाकण्यात आला. श्रीनगरमध्ये हबकडल आणि अमीराकदलमध्ये अनुक्रमे 21 आणि 24.8% मतदान झाले होते. दोन्ही मतदारसंघात पंडितांची संख्या लक्षणीय आहे. त्याचप्रमाणे सोपोरमध्ये 30 टक्के आणि त्रालमध्ये 37 टक्के मतदान झाले. येथेही स्थलांतरित आणि बिगर मुस्लिम मतदारांची संख्या मोठी आहे.