…अखेर मोदींनी स्वत:च सांगितलं अमेरिकेस न जाण्यामागचं नेमकं कारण!

By, Pravin Wankhade - June 20, 2025 09:30:29

0

भुवनेश्वरमध्ये आयोजित जाहीर सभेत मोदींनी नेमकं सांगितलं?

विशेष प्रतिनिधी

भुवनेश्वर – पंतप्रधान नरेंद्र मोदी यांनी आज ओडिशाचा दौरा केला. त्यांच्या दौऱ्याच्या सुरुवातीला त्यांनी राजधानी भुवनेश्वरमध्ये रोड शो केला. पंतप्रधान मोदींनी ओडिशाला कोट्यवधी रुपयांचे प्रकल्प भेट दिले आहेत. यामध्ये पिण्याचे पाणी, सिंचन, कृषी पायाभूत सुविधा, आरोग्य पायाभूत सुविधा, ग्रामीण रस्ते आणि पूल, राष्ट्रीय महामार्गांचे काही भाग आणि नवीन रेल्वे मार्ग यांचा समावेश आहे.

भुवनेश्वरमध्ये आयोजित जाहीर सभेत पोहोचल्यानंतर पंतप्रधान नरेंद्र मोदी यांनी जनतेचे स्वागत केले. यावेळी ओडिशाचे मुख्यमंत्री मोहन चरण माझी देखील उपस्थित होते. पंतप्रधान मोदींनी भुवनेश्वरमध्ये राजधानी क्षेत्रीय शहरी वाहतूक (CRUT) प्रणाली अंतर्गत १०० इलेक्ट्रिक बसेसना हिरवा झेंडा दाखवला.

Ajit Pawar : अजितदादांनी नाकारला सत्तेच्या वाट्यातला तुकडा; पवारांनी परतीचा दोर कापला

सार्वजनिक सभेला संबोधित करताना पंतप्रधान नरेंद्र मोदी म्हणाले, ‘आज २० जून हा एक अतिशय खास दिवस आहे. आज ओडिशातील पहिल्या भाजप सरकारने यशस्वीरित्या एक वर्ष पूर्ण केले आहे. हा वर्धापन दिन केवळ सरकारचा नाही; तर सुशासन स्थापनेचा वर्धापन दिन आहे. हे एक वर्ष सार्वजनिक सेवा आणि जनतेच्या विश्वासाला समर्पित आहे. मी ओडिशाच्या जनतेचे मनापासून अभिनंदन करतो. मुख्यमंत्री मोहन माझी आणि त्यांच्या संपूर्ण टीमचेही अभिनंदन करतो.’

पंतप्रधान मोदींनी ट्रम्प यांचे आमंत्रण का नाकारले? –

पंतप्रधान नरेंद्र मोदी यांनी यावेळी त्यांच्या परदेश दौऱ्याचा उल्लेख केला. ते म्हणाले, फक्त दोन दिवसांपूर्वी मी जी७ शिखर परिषदेसाठी कॅनडामध्ये होतो. माझ्या भेटीदरम्यान अमेरिकेचे अध्यक्ष डोनाल्ड ट्रम्प यांनी मला फोन केला. ते म्हणाले, ‘तुम्ही आधीच कॅनडामध्ये असल्याने, तुम्ही वॉशिंग्टनला का येत नाही? चला जेवूया आणि बोलूया.’ त्यांनी आग्रहाचे निमंत्रण दिले. मात्र मी आदरपूर्वक अमेरिकेच्या राष्ट्राध्यक्षांना सांगितले, ‘तुमच्या आमंत्रणाबद्दल धन्यवाद, पण महाप्रभूंच्या पवित्र भूमीला भेट देणे माझ्यासाठी आवश्यक आहे आणि म्हणून, मी त्यांची ऑफर नम्रपणे नाकारली, कारण महाप्रभूंवरील तुमचे प्रेम आणि भक्ती मला या पवित्र भूमीकडे घेऊन आली.’