संरक्षण मंत्रालयाने 29 हजार कोटींच्या सौद्यांना दिली मंजुरी

By, Pravin Wankhade - February 16, 2024 09:15:18

0

नौदल पाळत ठेवणारी विमाने खरेदी करणार

नवी दिल्ली : संरक्षण मंत्रालयाने भारतीय नौदलासाठी नऊ सागरी पाळत ठेवणारी विमाने आणि भारतीय तटरक्षक दलासाठी सहा गस्ती विमाने खरेदी करण्याच्या कराराला मंजुरी दिली आहे. या करारानुसार, मेड इन इंडिया प्रकल्पांतर्गत देशात 15 सागरी गस्ती विमानांची निर्मिती केली जाणार आहे. याशिवाय सी-२९५ वाहतूक विमानही बनवण्यात येणार आहे. हा करार एकूण 29 हजार कोटी रुपयांचा असेल.Ministry of Defense has approved deals worth 29 thousand crores

अमेरिकेच्या संरक्षण मंत्र्यांची प्रकृती चिंताजनक; लॉयड ऑस्टिन यांना क्रिटिकल केअर युनिटमध्ये केले दाखल

बुधवारी संरक्षण मंत्रालयाने कानपूरस्थित कंपनीसोबत 1752.13 कोटी रुपयांचा करारही केला. या डील अंतर्गत 463, 12.7 मिमी रिमोट कंट्रोल गन तयार करण्यात येणार आहे. नौदल आणि तटरक्षक दलाच्या जवानांनाही या तोफा देण्यात येणार आहेत. संरक्षण मंत्रालयाच्या या सौद्यांमुळे भारताची सागरी शक्ती तर वाढेलच शिवाय आत्मनिर्भर भारताला चालना मिळेल.

या करारांतर्गत टाटा ॲडव्हान्स्ड सिस्टीम आणि एअरबस संयुक्तपणे विमानाची निर्मिती करतील. ही विमाने आधुनिक रडार आणि सेन्सर्सने सुसज्ज असतील. हा करार पूर्ण झाल्यानंतर नौदल आणि भारतीय तटरक्षक दलाच्या निगराणी क्षमतेत कमालीची वाढ होणार आहे. हिंद महासागरात चीन ज्या प्रकारे आपली ताकद वाढवत आहे, त्याचप्रमाणे आंतरराष्ट्रीय शिपिंग मार्गांवरही हल्ले वाढत आहेत.