संसदेत घुसखोरी प्रकरणाचा आरोपी मनोरंजनच्या मित्राला अटक, आतापर्यंत 7 जण अटकेत|Manoranjan's friend arrested in Parliament intrusion case, 7 people arrested so far

संसदेत घुसखोरी प्रकरणाचा आरोपी मनोरंजनच्या मित्राला अटक, आतापर्यंत 7 जण अटकेत

वृत्तसंस्था

नवी दिल्ली : संसदेच्या सुरक्षेला भेदून घुसखोरी प्रकरणी दिल्ली पोलिसांनी आणखी एका आरोपीला अटक केली आहे. पोलिसांनी मनोरंज डीच्या मित्राला अटक केली आहे. याप्रकरणी आतापर्यंत सात जणांना अटक करण्यात आली आहे.Manoranjan’s friend arrested in Parliament intrusion case, 7 people arrested so far

13 डिसेंबर रोजी संसदेच्या शून्य प्रहरात सागर शर्मा आणि मनोरंजन डी या दोन व्यक्तींनी प्रेक्षक गॅलरीतून लोकसभेच्या सभागृहात उडी मारली आणि सभापतींकडे जाऊ लागले. खासदारांनी त्यांना थांबवल्यानंतर त्यांनी स्मोक कॅन फोडली, त्यामुळे संपूर्ण सभागृहात धुराचे लोट पसरले.

संसदेतील घुसखोरीप्रकरणी दिल्ली पोलिसांना महत्त्वाचे सुगावा, राजस्थानमधून जप्त केले जळालेले मोबाइल

त्याचवेळी नीलम देवी आणि अमोल शिंदे नावाच्या दोन आरोपींनी संसद भवनाबाहेर धुराचे लोट पसरवले. सुरक्षा दलांनी संसद भवनाच्या आतून दोन आणि बाहेरून दोन आरोपींना अटक केली. या प्रकरणाचा मास्टरमाईंड ललित झा असून घटना घडण्यापूर्वी सर्व आरोपी त्याच्या घरी थांबले होते.

महेश कुमावतने केले अनेक खुलासे

ललित झा याने घटनेपूर्वी सर्व आरोपींचे फोन स्वत:जवळ ठेवले होते. महेश कुमावत असे सहाव्या आरोपीचे नाव असून त्याने ललित झा याला लपण्यासाठी मदत केली होती. महेश कुमावत याने दिल्ली पोलिसांसमोर अनेक खुलासे केले. महेश कुमावत याने आरोपींना रसद पुरवण्याबरोबरच या गटात महत्त्वाची भूमिका आणि कट रचल्याचे उघड केले. तरुणांना भडकावण्यासोबतच महेशवर व्हिडिओच्या माध्यमातून त्यांचे ब्रेनवॉश केल्याचाही आरोप आहे.

या संपूर्ण प्रकरणाचा सूत्रधार ललित झा याने संसदेबाहेर व्हिडिओ बनवून पश्चिम बंगालमधील एका एनजीओच्या संस्थापकाला पाठवला होता. हे सर्व आरोपी अनेक दिवसांपासून ही घटना घडविण्याचा कट रचत होते. ललित झा याने 14 डिसेंबरच्या रात्री दिल्लीतील एका पोलीस ठाण्यात आत्मसमर्पण केले होते.