Mamata Banerjee : दोन दिवसांत ममतांचे पंतप्रधानांना दुसरे पत्र, बंगालमधील पूर मानवनिर्मित, पाणी सोडण्यापूर्वी सल्ला न घेतल्याचा आरोप

By, Pravin Wankhade - September 23, 2024 11:00:38

0

वृत्तसंस्था

कोलकाता : पश्चिम बंगालमधील पुरावर मुख्यमंत्री ममता बॅनर्जी ( Mamata Banerjee ) यांनी पंतप्रधान मोदींना आणखी एक पत्र लिहिले आहे. 2 दिवसांत लिहिलेल्या दुसऱ्या पत्रात ममतांनी आरोप केला आहे की, दामोदर व्हॅली कॉर्पोरेशनने त्यांच्याशी सल्लामसलत न करता पाणी सोडले, त्यामुळे बंगालचे जिल्हे पाण्याखाली गेले.

याआधी ममता यांनी 20 सप्टेंबर रोजी पंतप्रधान नरेंद्र मोदींना पत्रही लिहिले होते. ज्यामध्ये त्यांनी दामोदर व्हॅली कॉर्पोरेशन (DVC) अंतर्गत धरणांमधून 5 लाख क्युसेक पाणी सोडल्यामुळे बंगालमध्ये पूर आल्याचा आरोप केला होता.

येथे, बंगाल सरकार आणि केंद्र यांच्यात सुरू असलेल्या शब्दयुद्धाच्या दरम्यान, राज्याचे विद्युत सचिव शांतनु बसू यांनी DVC बोर्डाचा राजीनामा दिला आहे. बसू यांच्याशिवाय बंगालच्या पाटबंधारे विभागाच्या मुख्य अभियंत्यांनीही नियमन समितीचा राजीनामा दिला आहे.

Narendra Modi : न्यूयॉर्कमध्ये पंतप्रधानांनी दिला अबकी बार-मोदी सरकारचा नारा; भारताला तिसरी सर्वात मोठी इकॉनॉमी बनवणार

दामोदर व्हॅली रिझर्व्हायर रेग्युलेशन कमिटी (DVRRC) मध्ये केंद्रीय जल आयोग, पश्चिम बंगाल, झारखंड आणि दामोदर व्हॅली कॉर्पोरेशनचे प्रतिनिधी असतात.

ममता यांनी पंतप्रधानांना लिहिलेल्या दुसऱ्या पत्रातील महत्त्वाचे मुद्दे…

DVC धरणांमधून पाणी सोडण्याचा निर्णय पश्चिम बंगाल सरकारच्या प्रतिनिधींशी सल्लामसलत करून, दामोदर खोरे जलाशय नियमन समितीच्या संमतीने आणि सहकार्याने करण्यात आल्याच्या केंद्रीय जलशक्ती मंत्र्यांच्या दाव्याशी मी असहमत आहे.

सर्व महत्त्वाचे निर्णय केंद्रीय जल आयोग, जलशक्ती मंत्रालय, भारत सरकार यांच्याकडून एकमताने घेतले जातात. काही वेळा राज्य सरकारला न कळवता पाणी सोडले जाते. आमच्या मतांचा आदर केला जात नाही.
सुमारे नऊ तास धरणांमधून पाणी सोडण्यात आले. पूर व्यवस्थापनासाठी आम्हाला केवळ 3.5 तास मिळाले, जे प्रभावी आपत्ती व्यवस्थापनासाठी पुरेसे नव्हते.

केंद्राचे उत्तर- बंगाल सरकारला प्रत्येक टप्प्यावर सांगण्यात आले

ममतांच्या आरोपानंतर केंद्रीय जलशक्ती मंत्री सीआर पाटील यांनी 20 सप्टेंबरलाच मुख्यमंत्री ममतांना पत्र लिहिले होते. ज्यामध्ये दामोदर खोरे महामंडळाच्या धरणांतून पाणी सोडण्याबाबत प्रत्येक स्तरावर अधिकाऱ्यांना कळविण्यात आल्याचे सांगण्यात आले. कोणताही मोठा अनर्थ टाळण्यासाठी हे आवश्यक होते. पूर व्यवस्थापनासाठी निधीचा प्रस्तावही पुढे सरकला आहे.