लाचखोरी प्रकरणात नाव तरीही महुआ मोईत्रा यांना ममता बॅनर्जींकडून नवी जबाबदारी!|Mamata Banerjee gives new responsibility to Mahua Moitra who is caught in the bribery case

लाचखोरी प्रकरणात नाव तरीही महुआ मोईत्रा यांना ममता बॅनर्जींकडून नवी जबाबदारी!

जाणून घ्या काय जबाबदारी देण्यात आली आहे आणि महुआ यांची काय प्रतिक्रिया आहे

विशेष प्रतिनिधी

कोलकाता : लाच घेतल्याच्या आणि संसदेत प्रश्न विचारण्याच्या आरोपांनी घेरलेल्या तृणमूल काँग्रेसच्या खासदार महुआ मोईत्रा यांच्यावर त्यांच्या पक्षाने नवी जबाबदारी सोपवली आहे. पश्चिम बंगालच्या मुख्यमंत्री आणि TMC सुप्रीमो ममता बॅनर्जी यांनी मोईत्रा यांची कृष्णानगर (नदिया उत्तर) जिल्ह्याच्या पक्षाध्यक्षपदी नियुक्ती केली आहे.Mamata Banerjee gives new responsibility to Mahua Moitra who is caught in the bribery case

तपास पूर्ण केल्यानंतर, संसदेच्या नीतिशास्त्र समितीने लाच घेतल्याच्या आणि संसदेत प्रश्न विचारल्याप्रकरणी महुआविरोधात 10 नोव्हेंबर रोजी लोकसभा अध्यक्ष ओम बिर्ला यांच्याकडे अहवाल पाठवला आहे. आता याप्रकरणी पुढे काय कारवाई करायची याचा निर्णय सभापती घेतील.

Cash For Query : महुआ मोईत्रा यांचे लोकसभा सदस्यत्व रद्द करण्याची ‘एथिक्स कमिटी’ने केली शिफारस!

TMC खासदार महुआ यांनी या नव्या जबाबदारीबद्दल पक्षप्रमुख आणि मुख्यमंत्री ममता बॅनर्जी यांचे आभार मानले आहेत. महुआ बॅनर्जीने सोशल मीडिया प्लॅटफॉर्मवर पोस्ट केली आहे.

भाजप खासदार निशिकांत दुबे यांनी 15 ऑक्टोबर रोजी लोकसभा अध्यक्ष ओम बिर्ला यांना पत्र लिहिले होते. त्यात महुआ यांनी संसदेत प्रश्न विचारण्यासाठी उद्योगपती दर्शन हिरानंदानी यांच्याकडून पैसे आणि भेटवस्तू घेतल्याचा आरोप केला होता. महुआचे माजी साथीदार आणि वकील जय अनंत देहद्राई यांनी लिहिलेल्या पत्राच्या आधारे दुबे यांनी हे आरोप केले आहेत.