वृत्तसंस्था
रांची : महादेव सट्‌टा अ‍ॅप प्रकरणात अटक करण्यात आलेला कुरिअर असीम दास याचे वडील सुशील दास (६५) यांनी आत्महत्या केली आहे. दुर्ग पोलिसांनी मंगळवारी गावातील विहिरीतून सुशील दासचा मृतदेह बाहेर काढला. आपल्या मुलाच्या अटकेनंतर सुशील दास खूप नाराज झाल्याचे सांगण्यात येत आहे. प्रकरण आंदा पोलीस ठाण्याच्या हद्दीतील आहे. Mahadev Satta App Case, Accused’s Father Commits Suicide
मिळालेल्या माहितीनुसार, सुशील दास हे आचोटी येथे ५ वर्षांपासून चौकीदार होते आणि रुपेश गौतमच्या फार्म हाऊसमध्ये काम करत होते. ड्युटी संपवूनही ते त्यांच्या खोलीत सापडले नाही आणि घरी न परतल्याने त्यांचा शोध सुरू करण्यात आला. त्यावर त्यांचा मृतदेह फार्म हाऊसमध्येच बांधलेल्या विहिरीत आढळून आला.
आंदा पोलिस स्टेशनचे प्रभारी आनंद शुक्ला यांनी सांगितले की, विहिरीतून एक मृतदेह सापडला असून, 62 वर्षीय सुशील दास असे त्यांचे नाव आहे. या प्रकरणाचा तपास सुरू आहे.
ईडीने पकडलेला असीम दास कोण आहे?
ईडीने 2 नोव्हेंबर रोजी रायपूरमधील ट्रायटन हॉटेल आणि भिलाई येथील घरावर छापे टाकले होते. या काळात ५ कोटींहून अधिक रक्कम वसूल करण्यात आली. चालक असीम दास आणि पोलीस हवालदार भीमसिंग यादव यांना अटक करण्यात आली. चौकशीदरम्यान आरोपी असीम दासने काँग्रेस नेत्यांना करोडो रुपये पाठवल्याची माहिती दिली होती. दोन्ही आरोपी सध्या कारागृहात आहेत.
ईडीचे पथक कुलूप तोडून घरात घुसले होते
ईडीला संशय आहे की त्याच्या घरातून सापडलेले पैसे ऑनलाइन सट्टेबाजी अ‍ॅपचे आहेत, जे निवडणुकीत खर्च करण्यासाठी ठेवण्यात आले होते. ईडीचे अधिकारी कारवाई करण्यासाठी असीम दास यांच्या घराचे कुलूप तोडून घरात घुसले होते. असीम दास आणि हवालदार या दोघांवर दुबईतील बेटिंग प्रकरणात फरार सौरभ चंद्राकर आणि रवी उप्पल यांच्यासोबत काम केल्याचा आरोप आहे.
To be published, comments must be reviewed by the administrator.*
Our website uses cookies to improve your experience. Learn more
Download App