पक्षातूनच विरोध असूनही आज मुख्यमंत्रिपदाची शपथ घेणार रेवंत रेड्डी; हैदराबादेत कार्यक्रम, स्वकियांनीचे केले होते भ्रष्टाचाराचे आरोप


वृत्तसंस्था

हैदराबाद : काँग्रेस नेते रेवंत रेड्डी आज तेलंगणाच्या मुख्यमंत्रिपदाची शपथ घेणार आहेत. हैदराबाद येथे सकाळी 11 वाजता हा कार्यक्रम होणार आहे. त्यात हिमाचल प्रदेशचे मुख्यमंत्री आणि काँग्रेस नेते सुखविंदर सिंग सुखू उपस्थित राहणार आहेत.Revanth Reddy will take oath as Chief Minister today despite opposition from the party itself; program in Hyderabad, Swakiani had made allegations of corruption

तेलंगणात काँग्रेसच्या विजयानंतर 5 डिसेंबरला दिल्लीत पक्षाच्या नेत्यांची बैठक झाली. त्यात राहुल गांधी, पक्षाचे अध्यक्ष मल्लिकार्जुन खरगे आणि राष्ट्रीय सरचिटणीस केसी वेणुगोपाल यांच्यासह अनेक ज्येष्ठ नेते उपस्थित होते.



बैठकीत राहुल गांधी यांनी रेवंत रेड्डी यांच्या नावाला मंजुरी दिली. बैठकीनंतर केसी वेणुगोपाल म्हणाले- रेवंत रेड्डी यांना तेलंगणाचे मुख्यमंत्री बनवण्याचा निर्णय घेण्यात आला आहे. ते 7 डिसेंबरला मुख्यमंत्रिपदाची शपथ घेणार आहेत.

उत्तम कुमार म्हणाले- मीही मुख्यमंत्रिपदाच्या शर्यतीत

दुसरीकडे, काँग्रेसचे माजी अध्यक्ष एन. उत्तम कुमार रेड्डी यांनी 5 डिसेंबर रोजी सांगितले होते की, तेदेखील मुख्यमंत्रिपदाच्या शर्यतीत आहेत. दिल्लीत माध्यमांशी संवाद साधताना उत्तम कुमार म्हणाले- मी सात वेळा आमदार आहे आणि पक्षाशी एकनिष्ठ आहे.

मला सशस्त्र दलात काम करण्याचा अनुभव आहे, त्यामुळेच मी मुख्यमंत्री होण्यास पात्र आहे. पक्षनेतृत्व जो निर्णय घेईल तो मला मान्य असेल असेही ते म्हणाले.

मीडिया रिपोर्ट्सनुसार, तेलंगणामध्ये पक्षाच्या विजयानंतर सीएमपदासाठी रेवंत रेड्डी यांचे नाव जवळपास निश्चित झाले होते. त्यांचा शपथविधी सोहळा 6 डिसेंबरला संध्याकाळी होणार होता, पण पक्षातील विरोधामुळे तो रद्द करावा लागला.

रेवंत रेड्डी यांच्या मुख्यमंत्रिपदाच्या शपथविधीला विरोध करणाऱ्यांमध्ये तेलंगणा काँग्रेसचे माजी प्रमुख एन. उत्तम कुमार रेड्डी, माजी सीएलपी नेते भट्टी विक्रमार्का, माजी मंत्री कोमातीरेड्डी वेंकट रेड्डी, माजी उपमुख्यमंत्री दामोदर राजनरसिंह यांचा समावेश आहे. या नेत्यांनी रेवंत रेड्डी यांच्यावर भ्रष्टाचाराचे आरोप केले.

रेवंत रेड्डी यांना पक्षात विरोध होण्याची ही पहिलीच वेळ नाही. याआधी 2021 मध्ये त्यांना तेलंगणा काँग्रेसची जबाबदारी देण्यात आली होती. त्यानंतरही पद मिळविण्यासाठी कोट्यवधी रुपये दिल्याचा आरोप त्यांच्यावर झाला होता

Revanth Reddy will take oath as Chief Minister today despite opposition from the party itself; program in Hyderabad, Swakiani had made allegations of corruption

महत्वाच्या बातम्या

LEAVE A COMMENT

To be published, comments must be reviewed by the administrator.*