‘फक्त लग्नासाठी धर्म बदलणे चुकीचे’, अलाहाबाद उच्च न्यायालयाचा शेरा, जोधा-अकबरचे दिले उदाहरण, नेमकं काय म्हटलंय कोर्टाने? वाचा सविस्तर…

By, shreekant patil - August 3, 2021 08:40:34

0

love jihad law in up allahabad high court gives example of jodha akbar religion not necessary for marriage

love jihad law : उत्तर प्रदेशात लव्ह जिहादच्या वाढत्या प्रकरणांमध्ये या संपूर्ण घटनेत अकबर आणि जोधाबाईंची कथाही दाखल झाली आहे. अलाहाबाद उच्च न्यायालयाने केवळ विवाहाच्या उद्देशाने धर्मांतर केल्याबद्दल चिंता व्यक्त केली आहे. love jihad law in up allahabad high court gives example of jodha akbar religion not necessary for marriage

विशेष प्रतिनिधी

लखनऊ : उत्तर प्रदेशात लव्ह जिहादच्या वाढत्या प्रकरणांमध्ये या संपूर्ण घटनेत अकबर आणि जोधाबाईंची कथाही दाखल झाली आहे. अलाहाबाद उच्च न्यायालयाने केवळ विवाहाच्या उद्देशाने धर्मांतर केल्याबद्दल चिंता व्यक्त केली आहे.

एका प्रकरणाच्या सुनावणीदरम्यान अलाहाबाद उच्च न्यायालयाने मुघल बादशाह अकबर आणि जोधाबाई यांच्या विवाहाचे उदाहरण देत धर्मांतर टाळण्याचा सल्ला दिला. अकबर-जोधाबाईंच्या लग्नातून धडा घेतल्याने धर्मांतराच्या अनावश्यक घटना टाळता येतील, असे न्यायालयाने नमूद केले.

या टिप्पणीमध्ये असे नमूद करण्यात आले होते की, अकबर-जोधाबाईंनी धर्मांतर न करता लग्न केले, एकमेकांचा आदर केला आणि धार्मिक भावनांचा आदर केला. त्यांच्या नात्यात कधीच धर्म आला नाही.

काय आहे प्रकरण?

उत्तर प्रदेशच्या एटा जिल्ह्यातील रहिवासी जावेदच्या जामीन अर्जावर सुनावणीदरम्यान, अलाहाबाद उच्च न्यायालयाने हा उल्लेख केला होता. न्यायालयाने म्हटले की, धर्म हा श्रद्धेचा विषय आहे, तो तुमच्या जीवनशैलीला प्रतिबिंबित करतो.

‘वैयक्तिक फायद्यासाठी धर्मांतर चुकीचे’

उच्च न्यायालयाने म्हटले की, देवावर श्रद्धा दाखवण्यासाठी कोणतीही विशिष्ट पूजा व्यवस्था असणे आवश्यक नाही, लग्न करण्यासाठी समान धर्म असणे आवश्यक नाही. अशा परिस्थितीत फक्त लग्न करण्यासाठी धर्म बदलणे पूर्णपणे चुकीचे आहे.

उच्च न्यायालयाने आपल्या निर्णयात म्हटले आहे की, अशा धर्मांतरामध्ये विशिष्ट धर्मावर विश्वास नसतो, हा निर्णय नेहमी दबाव, भीती आणि लोभाने घेतला जातो. केवळ विवाहाच्या उद्देशाने केलेले धर्मांतर चुकीचे आणि व्यर्थ आहे आणि त्याला घटनात्मक वैधता नाही.

अलाहाबाद उच्च न्यायालयाने आपल्या निर्णयामध्ये असे नमूद केले आहे की, वैयक्तिक फायद्यासाठी केलेले धर्मांतर केवळ व्यक्तीचेच नुकसान करत नाही तर देश आणि समाजासाठी धोकादायक आहे. अशा धर्मांतराच्या घटना धर्माच्या ठेकेदारांना बळ देतात आणि विघटन करणाऱ्या शक्तींना जन्म देतात.

लव्ह जिहाद प्रकरणी निकाल

वास्तविक, एटा जिल्ह्यातील जावेदने एका हिंदू मुलीला फूस लावून तिच्याशी लग्न केले होते, नंतर मुलीचा धर्म बदलण्यासाठी कागदपत्रांवर स्वाक्षरी करण्यात आली. तिने तिचा धर्म बदलताच एका आठवड्यात लग्न झाले, परंतु नंतर मुलीने दंडाधिकाऱ्यांसमोर स्वतःची फसवणूक झाल्याचा जबाब दिला होता. मुलीच्या जबाबाच्या आधारे जावेदला अटक करून तुरुंगात पाठवण्यात आले, या युक्तिवादाच्या आधारे जावेदचा जामीन अर्ज न्यायालयाने फेटाळला आहे.

कोर्टाने निकालात आणखी काय म्हटले?

मंगळवारी याप्रकरणी निकाल देताना न्यायालयाच्या वतीने असे म्हटले गेले की, धर्म हा श्रद्धेचा विषय आहे, कोणीही त्यांच्या उपासना पद्धतीनुसार देवावर विश्वास व्यक्त करू शकतो. श्रद्धा दाखवण्याच्या पद्धतीत पूजा आणि धर्म येऊ शकत नाहीत, धर्म बदलल्याशिवायही लग्न करता येते.

आपल्या जीवन साथीदाराचा, त्याच्या धर्माचा, त्याच्या विश्वासाचा आणि त्याच्या उपासनेच्या पद्धतीचा आदर केल्याने आपले संबंध अधिक दृढ होऊ शकतात, असे निर्णयात म्हटले आहे. या प्रकरणात न्यायालयाने राज्यघटनेचे शिल्पकार भारतरत्न डॉ. बाबासाहेब आंबेडकर यांनी केलेल्या धर्मांतराच्या परिस्थितीचाही उल्लेख केला आहे.

न्यायालयाने म्हटले आहे की, प्रत्येकाला कोणत्याही धर्मावर आणि त्याच्या उपासना पद्धतीवर विश्वास व्यक्त करण्याचा अधिकार आहे, परंतु भीती-दबाव-लोभ आणि फसवणूक करून केलेले धर्मांतर खासगी जीवनासाठी तसेच देश आणि समाजासाठी खूप धोकादायक आहे.

love jihad law in up allahabad high court gives example of jodha akbar religion not necessary for marriage

महत्त्वाच्या बातम्या