Land For Job Scam Case: काल सत्तेतून बाहेर, आज ED समोर हजर; लालू यादव यांच्या अडचणी वाढणार?|Lalu Prasad Yadav will appear before ED today in Land For Job Scam Case

Land For Job Scam Case: काल सत्तेतून बाहेर, आज ED समोर हजर; लालू यादव यांच्या अडचणी वाढणार?

ईडीकडून होणाऱ्या लालूंच्या चौकशीकडे सर्वांच्या नजरा खिळल्या आहेत.

विशेष प्रतिनिधी

पाटणा : अंमलबजावणी संचालनालय (ईडी) राष्ट्रीय जनता दल (आरजेडी) प्रमुख आणि बिहारचे माजी मुख्यमंत्री लालू प्रसाद यादव यांची आज जमिनीच्या बदल्यात नोकरी प्रकरणी चौकशी करू शकते. रेल्वेतील कथित नोकरीसाठी जमीन घोटाळ्याशी संबंधित मनी लाँड्रिंग प्रकरणात तपास यंत्रणेने लालू प्रसाद आणि त्यांचा मुलगा तेजस्वी यादव यांना पाटणा कार्यालयात चौकशीसाठी बोलावले आहे.Lalu Prasad Yadav will appear before ED today in Land For Job Scam Case

Land For Job Scam : लालू यादव यांच्या निकटवर्तीयास न्यायालयीन कोठडी ; EDने केली होती अटक!

ईडीने लालूंना २९ जानेवारी आणि तेजस्वी यांना ३० जानेवारीला चौकशीसाठी बोलावले होते. लालू आज पाटणा येथील ईडी कार्यालयात चौकशीसाठी पोहोचू शकतात, असे मानले जात आहे. बिहारमधील राजकीय गोंधळाच्या पार्श्वभूमीवर ईडीकडून होणाऱ्या लालूंच्या चौकशीकडे सर्वांच्या नजरा खिळल्या आहेत.

हा घोटाळा पहिल्या UPA सरकारमध्ये लालू प्रसाद रेल्वेमंत्री असतानाचा आहे. यावेळी, ईडीने रेल्वेत नोकरीसाठी जमिनीशी संबंधित मनी लॉन्ड्रिंग प्रकरणात आरोपपत्र दाखल करताना लालू यादव यांच्या पत्नी राबडी देवी, त्यांच्या मुली आरजेडी खासदार मीसा भारती आणि हेमा यादव आणि लालू प्रसाद यांच्या कुटुंबातील इतर सदस्यांची नावे घेतली होती.