Kolkata rape murder case :कोलकाता बलात्कार-हत्या प्रकरणी CBIचा मोठा खुलासा, घटनेच्या रात्री संजय रॉयला…

By, Pravin Wankhade - September 14, 2024 07:30:20

0

आता सीबीआय त्या व्यक्तीचे नाव आणि पत्ता शोधत आहे

विशेष प्रतिनिधी

कोलकाता : आरजी कर रुग्णालयातील महिला प्रशिक्षणार्थी डॉक्टरवर बलात्कार करून हत्या केल्याप्रकरणी सीबीआयने मोठा खुलासा केला आहे. दैनिक जागरणच्या जागरण डॉट कॉमच्या वेबसाइटनुसार, महिला प्रशिक्षणार्थी डॉक्टरवर झालेल्या क्रूरतेच्या घटनेचा तपास करत असलेल्या सीबीआयने मोठा खुलासा केला आहे.

तपास यंत्रणेनुसार, घटनेच्या रात्री कोणीतरी फोन करून मुख्य आरोपी संजय रॉयला रुग्णालयात बोलावले होते. सीबीआयच्या सूत्रांनी सांगितले की, संजयच्या मोबाईल फोनची कॉल लिस्ट शोधल्यानंतर असे आढळून आले की, घटनेच्या रात्री आणि सकाळी संजय रॉयचे मोबाईलवर कोणाशी तरी संभाषण झाले होते. आता सीबीआय त्या व्यक्तीचे नाव आणि पत्ता शोधत आहे.

China : चीनने निवृत्तीचे वय वाढवले, घटत्या लोकसंख्येमुळे निर्णय; पुरुष 63 व महिला 58 वर्षांपर्यंत काम करणार

सीबीआयच्या अधिकाऱ्यांनी गुरुवारी या घटनेतील मुख्य आरोपी संजय रॉयच्या दातांच्या खुणा घेतल्या. या प्रकरणाच्या तपासात पुरावा म्हणून संजय रॉय यांच्या दातांच्या खुणा अत्यंत महत्त्वाच्या असल्याचे अधिकाऱ्यांनी सांगितले. याचे कारण म्हणजे मृत प्रशिक्षणार्थी डॉक्टरच्या अंगावर चाव्याच्या खुणा आढळल्या आहेत. पोस्टमार्टम रिपोर्टमध्ये ही बाब समोर आली आहे. आता मृताच्या शरीरावर आढळलेल्या खुणा आरोपी संजय रॉयच्या दातांच्या खुणांशी जुळवून बघितल्या जातील.

कोलकाता उच्च न्यायालयाच्या निर्देशानंतर सीबीआय या घटनेचा तपास करत असून या घटनेच्या जवळपास तळापर्यंत पोहोचली आहे. बुधवारी सीबीआयने या प्रकरणाच्या तपासासंदर्भात अटक आरोपी संजय रॉय याची चौकशी केली होती. याशिवाय दुसऱ्या पथकानेही सकाळी चार ज्युनियर डॉक्टरांची चौकशी केली होती. इतकेच नाही तर कोलकाता पोलिस उपायुक्त (उत्तर) अभिषेक गुप्ता आणि गुप्तहेर विभाग (डीडी) विशेष उपायुक्त विदित राज भुदेश यांची नंतर त्याच तपासाचा भाग म्हणून सीबीआयने चौकशी केली.