Manipur Violence: मणिपूरमधील चुराचंदपूर जिल्ह्यात इंटरनेट बंद, कलम १४४ लागू; मुख्यमंत्र्यांच्या दौऱ्यापूर्वी झाला हिंसाचारInternet shutdown in Manipurs Churachandpur district Section 144 imposed

Manipur Violence: मणिपूरमधील चुराचंदपूर जिल्ह्यात इंटरनेट बंद, कलम १४४ लागू; मुख्यमंत्र्यांच्या दौऱ्यापूर्वी झाला हिंसाचार

जमावाने मुख्यमंत्र्यांच्या कार्यक्रमस्थळी तोडफोड अन् जाळपोळ केली

विशेष प्रतिनिधी

चुराचंदपूर : मणिपूरच्या चुराचंदपूर जिल्ह्यातील न्यू लामका येथील पीटी स्पोर्ट्स कॉम्प्लेक्समध्ये बांधलेल्या ओपन जिमला जमावाने गुरुवारी आग लावली. या जिमचे उद्घाटन मुख्यमंत्री एन.बिरेन सिंग यांच्या हस्ते होणार होते. Internet shutdown in Manipurs Churachandpur district Section 144 imposed

सद्भाव मंडपातील जाहीर सभेच्या ठिकाणीही जमावाने तोडफोड केली. या घटनेनंतर राज्यातील चुरचंदपूर जिल्ह्यात इंटरनेटवर तात्पुरती बंदी घालण्यात आली असून कलम १४४ लागू करण्यात आले आहे.

चुराचंदपूर जिल्ह्यातील न्यू लामका येथे मुख्यमंत्री एन बिरेन सिंह यांच्या कार्यक्रमाच्या ठिकाणी एका जमावाने तोडफोड केली आणि आग लावली. स्थानिक पोलिसांनी जमाव त्वरीत पांगवला, मात्र गुरुवारी रात्री शेकडो खुर्च्या जाळण्यात आल्या. कार्यक्रमस्थळाचेही मोठे नुकसान झाले.

पोलिसांनी सांगितले की, संतप्त जमावाने न्यू लामका येथील पीटी स्पोर्ट्स कॉम्प्लेक्समध्ये नव्याने स्थापन केलेल्या ओपन जिमला आग लावली, ज्याचे उद्घाटन आज दुपारी मुख्यमंत्री बिरेन सिंग यांच्या हस्ते होणार आहे. ओपन जीमच्या उद्घाटनाव्यतिरिक्त बिरेन सिंग सद्भावना मंडपातील आणखी एका कार्यक्रमालाही हजर राहणार आहेत.

Manipur | Mob set fire to an open gym constructed at PT Sports Complex in New Lamka, Churachandpur District yesterday which was to be inaugurated by CM N Biren Singh. The mob also vandalised the public meeting venue at Sadhbhav Mandap.

Following the incident, Internet has been… pic.twitter.com/tMh4gZpI8c

— ANI (@ANI) April 28, 2023

स्थानिक आदिवासी नेत्यांच्या मंचाने सकाळी ८ ते दुपारी ४ या वेळेत चुराचंदपूर बंदची हाक दिल्यानंतर जमावाने हल्ला केला. शेतकरी आणि इतर आदिवासी रहिवाशांच्या राखीव वनक्षेत्रे खाली करण्यासाठी सुरू असलेल्या निष्कासन मोहिमेचा निषेध करण्यासाठी सरकारला वारंवार निवेदन देऊनही, सरकारने लोकांची समस्या दूर करण्यासाठी कोणतीही प्रामाणिकता किंवा इच्छा दर्शविली नाही, असा दावा फोरमने केला आहे.