इन्फोसिसचे संस्थापक नारायण मूर्तींची टीका : म्हणाले- दिल्ली सर्वात बेशिस्त शहर, येथील लोक वाहतूक नियम पाळत नाहीत|Infosys founder Narayan Murthy's criticism: Said - Delhi is the most unruly city, people here do not follow traffic rules

इन्फोसिसचे संस्थापक नारायण मूर्तींची टीका : म्हणाले- दिल्ली सर्वात बेशिस्त शहर, येथील लोक वाहतूक नियम पाळत नाहीत

वृत्तसंस्था

नवी दिल्ली : इन्फोसिसचे संस्थापक एनआर नारायण मूर्ती यांनी मंगळवारी म्हटले की, दिल्ली हे सर्वात बेशिस्त शहर आहे. येथील लोक वाहतुकीचे नियम पाळत नाहीत. त्यामुळे येथे येणे गैरसोयीचे आहे. ऑल इंडिया मॅनेजमेंट असोसिएशनच्या (AIMA) स्थापना दिनानिमित्त ते बोलत होते.Infosys founder Narayan Murthy’s criticism: Said – Delhi is the most unruly city, people here do not follow traffic rules

नारायण मूर्ती म्हणाले, दिल्लीत आल्यावर मला खूप गैरसोय होते, कारण या शहरात अनुशासनहीनता सर्वाधिक आहे. हे तुम्ही उदाहरणावरून समजू शकता. काल मी विमानतळावरून येताना सिग्नलवर लाल दिवा असूनही कार, बाईक, स्कूटर वाहतूक नियमांची पायमल्ली करत होते. जर आपण पुढे जाण्यासाठी एक-दोन मिनिटेही थांबू शकत नसू, तर मला सांगा, हे लोक जेव्हा पैसे समोर असतील तेव्हा थांबतील का? अजिबात नाही.

इन्फोसिसचे शेअर्स उच्चांकी पातळीवर, १०० बिलीयन डॉलर्सची कंपनी, बाजारमूल्य ७.४५ कोटी रुपये

सार्वजनिक संपत्तीचा अधिक चांगला वापर व्हावा

नारायण मूर्ती म्हणाले, सार्वजनिक मालमत्तेचा वापर खाजगी मालमत्तेपेक्षा चांगल्या पद्धतीने केला पाहिजे. असे केल्याने सार्वजनिक प्रशासनातील खोटेपणा आणि फसवणूक टाळता येते. देशाने उदारमतवादी भांडवलशाही अंगीकारण्याची गरज आहे. त्याच वेळी, मूर्ती यांनी कॉर्पोरेट जगतात योग्य मूल्ये रुजवण्यावरही भर दिला.

एआय मानवी मेंदूशी स्पर्धा करू शकत नाही

नारायण मूर्ती म्हणाले, कृत्रिम बुद्धिमत्ता (एआय) मानवाची जागा घेऊ शकते, असा दावा करणे चुकीचे आहे. मनुष्य हे होऊ देणार नाही, कारण त्याच्याकडे बुद्धीची ताकद आहे.