Indian hockey : विमानतळावर भारतीय हॉकी संघाचे ढोल ताशांच्या गजरात जल्लोषात स्वागत

By, Pravin Pawar - August 13, 2024 05:54:15

0

भारतात परतल्यानंतर हॉकी संघ अमृतसरच्या सुवर्ण मंदिरात दर्शनासाठी पोहोचला होता. Indian hockey team was welcomed at the airport

विशेष प्रतिनिधी

नवी दिल्ली : पॅरिस ऑलिम्पिक 2024 मध्ये झेंडा फडकावून भारतीय हॉकी संघ परतला. त्याचे भव्य स्वागत करण्यात आले. 13 ऑगस्टला भारतीय हॉकी संघ विमानतळावर पोहोचला तेव्हा ढोल वाजवले जात असताना जल्लोषाचे वातावरण होते. यावेळी खेळाडूंचा गौरव करण्यात आला. इतकंच नाही तर ढोल-ताशांच्या तालावर वादकांनी भरपूर नृत्य केलं.

टोकियो ऑलिम्पिक 2020 मध्ये कांस्यपदक जिंकल्यानंतर भारतीय हॉकी संघाने पॅरिस ऑलिम्पिक 2024 मध्येही कांस्यपदक जिंकले आहे. 52 वर्षांनंतर भारतीय संघ ऑलिम्पिकमध्ये सलग 2 कांस्यपदक जिंकण्यात यशस्वी ठरला आहे. शेवटच्या वेळी हे 1972 मध्ये घडले होते. भारतीय हॉकी संघ १० ऑगस्टलाच पॅरिसहून भारतात परतला.

भारतात परतल्यानंतर हॉकी संघ अमृतसरच्या सुवर्ण मंदिरात दर्शनासाठी पोहोचला होता. आता आज पुन्हा हॉकी संघाचे दिल्ली विमानतळावर ढोल-ताशांच्या गजरात स्वागत करण्यात आले. खेळाडूंनीही या क्षणाचा खूप आनंद लुटला.

भारतीय हॉकी संघाचा अनुभवी गोलकीपर पीआर श्रीजेश याने पॅरिस ऑलिम्पिक 2024 नंतर निवृत्ती घेतली आहे. पॅरिस ऑलिम्पिकमध्ये भारताला कांस्यपदक मिळवून देण्यात श्रीजेशने महत्त्वाची भूमिका बजावली, त्याने संपूर्ण स्पर्धेत चमकदार कामगिरी केली आणि उपांत्यपूर्व फेरीच्या सामन्यात त्याने 12 पैकी 11 सेव्ह केले. ऑलिम्पिकच्या समारोप समारंभात नेमबाज मनू भाकरसोबत पीआर श्रीजेश ध्वजवाहक म्हणूनही दिसला.