पश्चिम बंगालमध्ये काँग्रेसला झटका! 'या' बड्या नेत्याने दिला राजीनामा|In West Bengal Congress leader Kaustav Bagchi resigned

पश्चिम बंगालमध्ये काँग्रेसला झटका! ‘या’ बड्या नेत्याने दिला राजीनामा

ममता बॅनर्जींच्या निषेधार्थ केले होते मुंडण

विशेष प्रतिनिधी

कोलकाता : लोकसभा निवडणुकीपूर्वी काँग्रेसच्या अडचणी कमी होण्याची चिन्हे दिसत नाहीत. पश्चिम बंगालमध्ये काँग्रेसला मोठा धक्का बसला आहे. काँग्रेस नेते कौस्तव बागची यांनी पक्षाचा राजीनामा दिला आहे. त्यांनी आपल्या राजीनाम्याची माहिती एक्स मार्फत दिली आहे.In West Bengal Congress leader Kaustav Bagchi resigned

विदर्भ आणि मराठवाड्यासोबत पश्चिम महाराष्ट्र पण दुष्काळमुक्त करणार – देवेंद्र फडणवीस

कौस्तव बागची यांनी आपला राजीनामा सोशल मीडियावर शेअर करून पक्षावर प्रश्न उपस्थित केले आहेत. पक्षात योग्य सन्मान न मिळाल्याने त्यांनी राजीनामा दिला आहे. त्यांनी आपला राजीनामा काँग्रेसचे राष्ट्रीय अध्यक्ष मल्लिकार्जुन खर्गे, पक्षाचे प्रदेशाध्यक्ष अधीर रंजन चौधरी आणि सरचिटणीस गुलाम अहमद मीर यांच्याकडे पाठवला आहे.

बागची यांनी एका निवेदनात म्हटले आहे की, कदाचित आता लोक मला पक्षविरोधी म्हणतील, परंतु मी एक गोष्ट पुन्हा पुन्हा सांगत आहे की मी भ्रष्ट टीएमसीशी हातमिळवणी करण्याच्या काँग्रेसच्या विरोधात आहे. ते म्हणाले की, काँग्रेसचे सर्वोच्च नेतृत्व पश्चिम बंगाल युनिटला महत्त्व देत नाही. त्यामुळे मला माझ्या स्वाभिमानाशी तडजोड करून पक्षात राहायचे नाही.