Hyderabad Gang-rape : पोलिसांनी AIMIM आमदाराच्या मुलाला केली अटक, लैंगिक अत्याचाराचा गुन्हा दाखल

By, Pravin Wankhade - June 8, 2022 11:00:43

0

देशभरात खळबळ उडवून देणाऱ्या हैदराबाद सामूहिक बलात्कार प्रकरणी पोलिसांनी AIMIM आमदाराच्या मुलाला अटक केली आहे. 28 मे रोजी ही संतापजनक घटना घडली होती.Hyderabad Gang-rape Police arrested the son of AIMIM MLA, filed a case of sexual harassment

वृत्तसंस्था

हैदराबाद : देशभरात खळबळ उडवून देणाऱ्या हैदराबाद सामूहिक बलात्कार प्रकरणी पोलिसांनी AIMIM आमदाराच्या मुलाला अटक केली आहे. 28 मे रोजी ही संतापजनक घटना घडली होती. अटक करण्यात आलेला आरोपी अल्पवयीन आहे. याप्रकरणी सहा आरोपींना अटक करण्यात आली आहे.

पोलिसांनी सोमवारी अल्पवयीन आरोपीला अटक केली आणि त्यानंतर त्याला निरीक्षण गृहात पाठवले. या प्रकरणात अटक करण्यात आलेल्या पाच अल्पवयीन आरोपींपैकी तो एक आहे. याप्रकरणी पोलिसांनी आतापर्यंत सहा आरोपींना अटक केली असून त्यापैकी एका प्रौढ आरोपीला पोलीस कोठडीत ठेवण्यात आले आहे.

पुणे पुन्हा हादरले : पुण्यात सार्वजनिक शौचालयात 12 वर्षीय मुलीवर लैंगिक अत्याचार, 35 वर्षांचा नराधम फरार

सूत्रांनी सांगितले की AIMIM आमदाराच्या मुलावर सामूहिक बलात्कार करण्याऐवजी लैंगिक अत्याचाराचा गुन्हा दाखल करण्यात आला आहे. प्रत्यक्षात ज्या इनोव्हा कारमध्ये पीडितेवर बलात्कार झाला त्यामध्ये आमदाराचा मुलगा नव्हता. मात्र त्याने मर्सिडीजमध्ये पीडितेसोबत गैरवर्तन केल्याचा आरोप आहे.

हैदराबाद पोलीस आयुक्तांनी सांगितले की, ज्या इनोव्हामधून सामूहिक बलात्कार झाला ते सरकारी वाहन असल्याचे दिसते. हैदराबादमधील घटना समोर आल्यानंतर राज्यात खळबळ उडाली आहे. विरोधकांकडून सरकारला सातत्याने घेरले जात असून आरोपींवर कडक कारवाई करण्याची मागणी केली जात आहे.

भाजपने लावून धरला मुद्दा

हैदराबादच्या ज्युबली हिल्समधील एका निर्जन ठिकाणी ही घटना घडली. वास्तविक, पीडित मुलगी एका पबमध्ये पार्टी करून घरी परतत होती. यादरम्यान, पबमधून बाहेर पडत असताना काही मुले तिच्याजवळ आली आणि तिला घरी सोडण्याच्या बहाण्याने सोबत नेले. हैदराबादच्या पॉश ज्युबली हिल्स भागात मुलांनी कार पार्क केली आणि मुलीवर बलात्कार केला. तत्पूर्वी, भाजप आमदार एम रघुनंदन राव यांनी पत्रकार परिषदेत काही छायाचित्रे दाखवली आणि आरोप केला की, AIMIM आमदाराचा मुलगाही या प्रकरणात सामील आहे.

विरोधी पक्ष भाजप आणि काँग्रेसकडून राज्य सरकारवर सातत्याने हल्लाबोल केला जात आहे. टीआरएस सरकारने या प्रकरणाचा तपास सीबीआयकडे सोपवावा, जेणेकरून निष्पक्ष तपास व्हावा, अशी मागणी विरोधकांनी केली आहे. मुख्यमंत्री के चंद्रशेखर राव यांना लिहिलेल्या पत्रात, भाजपचे प्रदेशाध्यक्ष आणि खासदार बांदी संजय कुमार यांनी काही राजकीय प्रभावशाली लोकांच्या मुलांच्या कथित सहभागाबद्दलच्या मीडिया रिपोर्ट्सचा संदर्भ दिला. तेलंगणातील पब बंद करण्याची मागणीही त्यांनी केली.