जलपायगुडीमध्ये हृदयद्रावक दुर्घटना : विसर्जनाच्या वेळी नदीत 40 जण वाहून गेले, 7 जणांचा मृत्यू

By, Pravin Wankhade - October 6, 2022 08:30:36

0

वृत्तसंस्था

कोलकाता : पश्चिम बंगालमधील जलपायगुडी येथे बुधवारी रात्री दुर्गा विसर्जनाच्या वेळी एक मोठी दुर्घटना घडली. जलपायगुडीतील माल नदीत विसर्जनादरम्यान अचानक आलेल्या पुरामुळे 7 जणांचा मृत्यू झाला, तर अनेक लोक बेपत्ता आहेत. अद्याप 30-40 लोक बेपत्ता असल्याचे सांगण्यात येत आहे.Heartbreaking tragedy in Jalpaiguri: 40 people washed away in river during immersion, 7 died

रात्री आठ वाजण्याच्या सुमारास मालबाजार शहर व चहाच्या बागेतील नागरिक माल नदीच्या काठावर दुर्गा मूर्तीसह विसर्जनासाठी मोठ्या संख्येने दाखल झाले होते. नदीच्या दोन्ही बाजूला मोठी गर्दी जमली होती. प्रशासनाची टीम माईकच्या माध्यमातून लोकांना सतत सतर्क राहण्याचा सल्ला देत होती. असे असूनही काही लोक मूर्तीसह गाडी घेऊन नदीच्या मध्यभागी पोहोचले, परंतु काही वेळाने ते घडले ज्याची कोणी कल्पनाही केली नसेल.

मुलांच्या अभ्यासात व्यत्यय नको म्हणून मशिदीतील लाऊडस्पीकर बंद करणार, मुस्लिम समाजाने घेतला निर्णय

एनडीआरएफची टीम रात्री उशिरापर्यंत बचावकार्यात गुंतलेली होती. जलपायगुडीचे एसपी देवर्षी दत्ता यांनी या घटनेला दुजोरा दिला. ते म्हणाले, ‘अपघातातील मृतांचा आकडा वाढू शकतो. आतापर्यंत 7 मृतदेह बाहेर काढण्यात आले आहेत, तर 10 जखमींनाही बाहेर काढण्यात आले आहे. सध्या मदत आणि बचाव कार्य सुरू असून बेपत्ता लोकांचा शोध सुरू आहे.

#WATCH | WB: Flash flood hits Mal River in Jalpaiguri during Durga Visarjan; 7 people dead, several feared missing

Many people were trapped in river & many washed away. Bodies of 7 people were recovered. NDRF& civil defence deployed; rescue underway: Jalpaiguri SP Debarshi Dutta pic.twitter.com/cRT3nnp7Gz

— ANI (@ANI) October 5, 2022

2 मिनिटात सर्व काही संपले

दुर्गा माँच्या मूर्तीचे नदीत विसर्जन करण्यासाठी मोठ्या संख्येने लोक आल्याचे प्रत्यक्षदर्शींनी सांगितले. विसर्जनासाठी भाविक नदीच्या काठावर आले, मात्र काठावर पाणी कमी असल्याने मूर्तीचे विसर्जन व्यवस्थित व्हावे म्हणून ते थोडे पुढे गेले. लोक मध्यभागी उभे राहून मूर्तीचे विधीवत विसर्जन करत असताना अचानक नदीतील पाण्याची पातळी वाढली आणि जोरदार प्रवाह आला. जणू अचानक पूर आला होता. जोरदार प्रवाहामुळे लोक वाहू लागले. 2 मिनिटात सर्व काही बुडू लागले. पाण्याचा वेग इतका होता की, काठावर उभ्या असलेल्या इतर लोकांनाही इच्छा असूनही नदीत अडकलेल्या लोकांना मदत करता आली नाही.

माहिती मिळताच प्रशासन बचावकार्यात गुंतले

अपघाताची माहिती पोलिस व प्रशासनाला मिळताच. पोलिसांचे पथक घटनास्थळी पोहोचले आणि एनडीआरएफला पाचारण करण्यात आले. एनडीआरएफचे जवान मदत आणि बचाव कार्यात गुंतले आहेत. पथकाने रात्री उशिरापर्यंत 7 जणांचे मृतदेह बाहेर काढले होते. अजूनही मोठ्या प्रमाणात लोक बेपत्ता आहेत, त्यांचा शोध सुरू आहे. काही लोक जखमीही झाले असून त्यांना रुग्णालयात दाखल करण्यात आले आहे.

पंतप्रधानांनी शोक व्यक्त केला

Anguished by the mishap during Durga Puja festivities in Jalpaiguri, West Bengal. Condolences to those who lost their loved ones: PM @narendramodi

— PMO India (@PMOIndia) October 5, 2022

रात्री उशिरा पंतप्रधान नरेंद्र मोदी यांनीही या घटनेबद्दल शोक व्यक्त केला. पीएमओच्या वतीने ट्विटरवर लिहिले आहे की, ‘पश्चिम बंगालमधील जलपाईगुडी येथे दुर्गापूजा उत्सवादरम्यान झालेल्या दुर्घटनेने दु:ख झाले आहे. ज्यांनी आपले प्रियजन गमावले त्यांच्याबद्दल शोक व्यक्त करतो.”