Haryana assembly election : हरियाणा विधानसभा निवडणुकीच्या तारखेत बदल होण्याची चिन्हं!

By, Pravin Wankhade - August 26, 2024 09:30:12

0

निवडणूक आयोग मंगळवारी जाहीर करू शकते नवीन तारखा Haryana assembly election

विशेष प्रतिनिधी

नवी दिल्ली : हरियाणा विधानसभेच्या तारखेत बदल होण्याची शक्यता आहे. याबाबतची माहिती सूत्रांनी दिली आहे. निवडणूक आयोग मंगळवारी याबाबत निर्णय घेऊ शकतो, असे सांगण्यात येत आहे. मिळालेल्या माहितीनुसार, राजकीय पक्षांच्या विनंतीनंतर निवडणूक आयोग मंगळवारी याप्रकरणी बैठक घेणार आहे. Haryana assembly election

ज्यामध्ये निवडणुकीच्या तारखेबाबत निर्णय घेतला जाईल. हरियाणातील सर्व 90 विधानसभा जागांसाठी 1 ऑक्टोबर रोजी एकाच टप्प्यात निवडणुका होणार आहेत. तर निवडणुकीचा निकाल 4 ऑक्टोबरला लागणार आहे. मात्र आता मतदानाच्या तारखेत बदल होणार असल्याची माहिती आहे.

The Focus Explainer : द फोकस एक्सप्लेनर : UPS, NPS आणि OPS मध्ये काय आहे फरक? कोणते फायदे मिळतात? वाचा सविस्तर

हरियाणा विधानसभा निवडणुकीची तारीख बदलण्याची मागणी भारतीय जनता पक्षाने निवडणूक आयोगाकडे केली असल्याचे सांगण्यात येत आहे. निवडणूक आयोगाच्या सूत्रांनी दिलेल्या माहितीनुसार, निवडणूक आयोग हरियाणा विधानसभेच्या मतदानाची तारीख बदलून 1 ऑक्टोबर ते 7 किंवा 8 ऑक्टोबर करू शकते. यासोबतच मतमोजणीची तारीखही बदलण्यात येणार आहे. मात्र, निवडणूक आयोग मंगळवारी याबाबत घोषणा करू शकतो.

हरियाणा भाजपचे अध्यक्ष मोहनलाल बडोली यांनी नुकतेच निवडणूक आयोगाला एक पत्र लिहिले होते, ज्यामध्ये त्यांनी कमी मतदानाच्या भीतीने 1 ऑक्टोबर ही मतदानाची तारीख बदलण्याची विनंती केली होती. बडोली यांचे म्हणणे आहे की, 1 ऑक्टोबरच्या मतदानाच्या तारखेपूर्वी आणि नंतर अनेक सुट्ट्या आहेत, त्यामुळे कमी मतदान होण्याची शक्यता आहे, त्यामुळे मतदानाची तारीख बदलून 1 ऑक्टोबर करण्यात यावी.