काशी-मथुरेसाठी राम मंदिरासारख्या आंदोलनाची गरज नाही; राष्ट्रीय स्वयंसेवक संघाची भूमिका|For Kashi-Mathure there is no need for agitation like Ram Mandir; Role of Rashtriya Swayamsevak Sangh

काशी-मथुरेसाठी राम मंदिरासारख्या आंदोलनाची गरज नाही; राष्ट्रीय स्वयंसेवक संघाची भूमिका

विशेष प्रतिनिधी

नागपूर : राष्ट्रीय स्वयंसेवक संघाचे सरकार्यवाह दत्तात्रेय होसाबळे यांनी काशी आणि मथुरेच्या मंदिरांचा मुद्दा उपस्थित केला. या दोन शहरांतील मंदिरांसाठी रामजन्मभूमीसारख्या आंदोलनाची गरज नसल्याचे त्यांनी स्पष्ट केले आहे. सर्व समस्यांसाठी समान पद्धतीचा अवलंब करता येणार नाही, असे ते म्हणाले. रविवारी होसाबळे यांची संघाच्या सरकार्यवाहपदी फेरनिवड झाली.For Kashi-Mathure there is no need for agitation like Ram Mandir; Role of Rashtriya Swayamsevak Sangh

हे प्रकरण न्यायालयात चालावे, असे होसाबळे म्हणाले. टाइम्स ऑफ इंडियाच्या वृत्तानुसार, ते म्हणाले, ‘(काशी आणि मथुरा) प्रकरणाची न्यायालयात सुनावणी सुरू आहे. अयोध्येचा निर्णयही न्यायालयाच्या माध्यमातून आला. हे प्रकरण न्यायपालिकेद्वारे सोडवले जात असेल तर मग त्या पातळीवरील आंदोलनाची काय गरज आहे?

पाक-चीनमधून राम मंदिराची वेबसाईट हॅक करण्याचा प्रयत्न; प्राणप्रतिष्ठेपूर्वी भारतीय एजन्सीने 1244 आयपी अॅड्रेस ब्लॉक केले

ते म्हणाले, ‘मथुरा आणि काशी पुन्हा मिळवण्याची संत आणि विहिंपची मागणी झपाट्याने वाढत आहे, परंतु प्रत्येक समस्येचे समाधान एकच असू शकत नाही. सामाजिक आणि धार्मिक संघटनांचे नेतृत्व करणारे हिंदू हे प्रश्न वेळोवेळी मांडू शकतात.

राष्ट्रीय स्वयंसवेक संघाच्या अखिल भारतीय प्रतिनिधी सभेने रविवारी होसाबळे यांची पुन्हा सरकार्यवाह म्हणून निवड केली. ‘एक्स’ वरील एका पोस्टमध्ये ही माहिती देताना आरएसएसने म्हटले आहे की, होसाबळे हे 2021 पासून सरकार्यवाह आहेत आणि 2024 ते 2027 या कालावधीसाठी त्यांची या पदावर पुन्हा निवड झाली आहे. येथील रेशीमबाग येथील स्मृती भवन संकुलात शुक्रवारी आरएसएसची तीन दिवसीय अखिल भारतीय प्रतिनिधी सभा सुरू झाली. नागपुरातील संघ मुख्यालयात तब्बल सहा वर्षांनंतर ही बैठक होत आहे.