संयुक्त राष्ट्रातील भारताच्या राजदूताचे वक्तव्य
विशेष प्रतिनिधी
Pakistan जेव्हा पाकिस्तान सीमेपलीकडील दहशतवाद पूर्णपणे संपवेल तेव्हाच पाकिस्तानशी चर्चा सुरू होऊ शकते, असे संयुक्त राष्ट्रातील भारताच्या राजदूतांनी म्हटले आहे. भारत सीमेपलीकडील दहशतवादाचा बळी आहे आणि दहशतवादाबाबत आमचे शून्य सहनशीलतेचे धोरण असल्याचे भारतीय राजदूत म्हणाले. भारतीय राजदूत म्हणाले की, पाकिस्तानसोबत आमचा मुख्य मुद्दा दहशतवाद आहे.Pakistan
स्कूल ऑफ इंटरनॅशनल अँड पब्लिक अफेअर्स, कोलंबिया युनिव्हर्सिटी येथे ‘रेस्पाँडिंग टू मेजर ग्लोबल चॅलेंजेस: द इंडिया वे’ या थीमसह एका कार्यक्रमाचे आयोजन करण्यात आले होते. या कार्यक्रमात संयुक्त राष्ट्रातील भारताचे राजदूत पार्वतानेनी हरीश यांनीही सहभाग घेतला.
कार्यक्रमात भारतीय राजदूतांना पाकिस्तानबद्दल विचारण्यात आले असता ते म्हणाले की, ‘पंतप्रधान नरेंद्र मोदी यांनी पाकिस्तानशी संपर्क साधण्याचा प्रयत्न केला होता, परंतु पाकिस्तानकडून भारतात सुरू असलेल्या दहशतवादी कारवायांमुळे विश्वास उडाला आहे. पाकिस्तानसोबतच्या चर्चेतील पहिला मुद्दा म्हणजे दहशतवाद संपवणे आणि हा महत्त्वाचा मुद्दा आहे.
हरीश यांनी आपल्या भाषणात जागतिक स्तरावर दहशतवाद ही एक मोठी समस्या असल्याचे प्रतिपादन केले. ते म्हणाले, ‘भारत दीर्घकाळापासून सीमापार आणि जागतिक दहशतवादाचा बळी आहे. दहशतवाद हा मानवतेसाठी ‘अस्तित्वाचा धोका’ आहे, ज्याला सीमा माहित नाही, राष्ट्रीयत्व माहित नाही. ते म्हणाले, ‘आंतरराष्ट्रीय सहकार्यानेच दहशतवादाचा मुकाबला केला जाऊ शकतो.’ दहशतवादाचा मुकाबला करण्याच्या भारताच्या दृष्टिकोनाची रूपरेषा सांगताना, हरीश म्हणाले की, देशाचे लक्ष दहशतवादाचा सामना करण्यासाठी आपल्या आंतरराष्ट्रीय भागीदारांना गुंतवून ठेवण्यावर आहे कारण भारताची या धोक्याबद्दल शून्य सहनशीलता आहे.
To be published, comments must be reviewed by the administrator.*
Our website uses cookies to improve your experience. Learn more
Download App
