Election उत्तर प्रदेश, केरळ अन् पंजाबमधील निवडणुकीची तारीख बदलली!

By, Pravin Pawar - November 5, 2024 07:30:50

0

‘या’ दिवशी होणार मतदान; जाणून घ्या, काय आहे कारण? Election

विशेष प्रतिनिधी

नवी दिल्ली : Election उत्तर प्रदेश, केरळ आणि पंजाबमधील पोटनिवडणुकांच्या तारखा बदलल्या आहेत. या राज्यांमध्ये यापूर्वी १३ नोव्हेंबरला निवडणुका होणार होत्या मात्र आता २० नोव्हेंबरला या राज्यांमध्ये विधानसभा निवडणुका होणार आहेत. विविध सणांच्या पार्श्वभूमीवर निवडणूक आयोगाने मतदान आठवडाभर पुढे ढकलले आहे. भाजप आणि काँग्रेससह अनेक पक्षांनी निवडणूक पुढे ढकलण्याची विनंती निवडणूक आयोगाकडे केली होती.Election

13 नोव्हेंबरला सणांमुळे मतदान कमी होऊ शकते, असा तर्क विविध पक्षांनी मांडला. त्यामुळे आता 20 तारखेला मतदान होणार आहे. मात्र, निवडणुकीचा निकाल 23 नोव्हेंबरलाच लागणार आहे. पोटनिवडणुकीसोबतच महाराष्ट्र आणि झारखंडच्या निवडणुकीचे निकालही या दिवशी येतील.

महाराष्ट्राच्या पोलीस महासंचालक रश्मी शुक्लांच्या बदलीचे आदेश; काँग्रेसच्या मागणीवर निवडणूक आयोगाची कारवाई!!

यूपीमध्ये होणाऱ्या विधानसभा पोटनिवडणुकीच्या तारखा बदलण्याची मागणी करत भाजपने निवडणूक आयोगाला निवेदन सादर केले होते. भाजपच्या शिष्टमंडळाने निवेदनात म्हटले होते की 15 नोव्हेंबर ही कार्तिक पौर्णिमा आहे, त्यामुळे मीरपूर, कुंडरकी, गाझियाबाद आणि प्रयागराजमध्ये तीन-चार दिवस आधीच लोक जमतात. यासाठी निवडणूक आयोगाने तारखांमध्ये बदल करावा. 13 ऐवजी 20 नोव्हेंबरला निवडणुका घ्याव्यात, अशी भाजपची मागणी होती.

आता 20 नोव्हेंबर रोजी उत्तर प्रदेशातील नऊ जागांवर पोटनिवडणूक होणार आहे, ज्यात प्रयागराजमधील फुलपूर, कानपूरमधील सिसामऊ, मैनपुरीमधील करहल, आंबेडकर नगरमधील कटहारी, मिर्झापूरमधील माझवान, गाझियाबाद सदर, मुरादाबादमधील कुंडरकी, मिरापूरमधील अलिगढमधील मुझफ्फरनगर आणि खैर या जागांचा समावेश आहे. उत्तर प्रदेशातील मिल्कीपूरमध्येही निवडणुका होणार होत्या, परंतु उच्च न्यायालयात प्रलंबित प्रकरणामुळे निवडणूक आयोगाने मिल्कीपूरच्या निवडणुका जाहीर केल्या नाहीत. 23 नोव्हेंबरला निकाल लागणार आहे.