भूकंपग्रस्त तुर्कस्तानने मदतीसाठी भारताचे मानले आभार : 'धन्यवाद, प्रत्येक तंबू आणि घोंगडीसाठी', आतापर्यंत 33 हजार मृत्यू|Earthquake-hit Turkey thanks India for help 'Thank you, for every tent and blanket', 33,000 dead so far

भूकंपग्रस्त तुर्कस्तानने मदतीसाठी भारताचे मानले आभार : ‘धन्यवाद, प्रत्येक तंबू आणि घोंगडीसाठी’, आतापर्यंत 33 हजार मृत्यू

वृत्तसंस्था

नवी दिल्ली : तुर्कस्तानमध्ये झालेल्या भीषण भूकंपानंतर तेथे बिकट परिस्थिती निर्माण झाली आहे. अशा परिस्थितीत भारताने पीडित देशाला मदत पाठवली आहे. त्याबद्दल तुर्कीने पुन्हा एकदा भारताचे आभार मानले आहेत. 6 फेब्रुवारी रोजी 7.8 आणि 7.5 तीव्रतेच्या भूकंपाने आग्नेय तुर्कीला हादरवले, ज्यामध्ये आतापर्यंत सुमारे 33,000 लोक मरण पावले. तुर्कीचे भारतातील राजदूत फिरात सुनेल यांनी भारताचे आभार मानले आहेत.Earthquake-hit Turkey thanks India for help ‘Thank you, for every tent and blanket’, 33,000 dead so far

त्यांनी सोशल मीडिया प्लॅटफॉर्म ट्विटरवर लिहिलेल्या संदेशात म्हटले आहे की, ‘आपत्कालीन परिस्थितीत भारताकडून तुर्कीला आणखी एक मदत. गरजेनुसार, तुर्की एअरलाइन्स भूकंपग्रस्त भागात माल घेऊन जाते. धन्यवाद भारत. प्रत्येक तंबू, प्रत्येक घोंगडी आणि प्रत्येक स्लीपिंग बॅग हजारो भूकंपग्रस्त लोकांसाठी खूप महत्त्वाची आहे.”

तुर्कस्तान-सीरियातील भूकंपातील मृतांची संख्या 29 हजारांच्या पुढे, संयुक्त राष्ट्राने वर्तवला 50,000 मृत्यूंचा अंदाज

Another batch of emergency in-kind donations from the people of India is on the way to Türkiye. @TurkishAirlines @TK_INDIA carries the aids on a daily basis to the earthquake hit region, free of charge.#VasudhaivaKutumbakam #earthquake #earthquakeinturkey
🇹🇷❤️🇮🇳 pic.twitter.com/pL9giXNFMx

— Fırat Sunel फिरात सुनेल فرات صونال (@firatsunel) February 13, 2023

ऑपरेशन दोस्त

ऑपरेशन दोस्तअंतर्गत सातवे विमान रविवारी भूकंपग्रस्त देश सीरियात पोहोचले. 23 टन मदत सामग्री घेऊन आलेल्या या विमानाचे दमास्कस विमानतळावर जोरदार स्वागत करण्यात आले. परराष्ट्र मंत्रालयाचे प्रवक्ते अरिंदम बागची यांनीही याबाबत ट्विट केले होते. याआधीही फिरात सुनेल यांनी ऑपरेशन दोस्तचे कौतुक केले आहे. गेल्या आठवड्यातच ते म्हणाले होते की, भारताच्या या पावलाने तुर्की आणि भारत मित्र असल्याचे सिद्ध झाले आहे.

गाझियाबाद येथील हिंडन एअरबेसवर ते म्हणाले होते की, ऑपरेशन दोस्तमुळे दोन्ही देशांमधील संबंध अधिक दृढ झाले आहेत. तर दुसरीकडे, नुकतेच फिरात सुनेल यांनी गुरुवारी ट्विटरवर भारतीय नागरिकांच्या समूहाचे आभार मानले ज्यांनी भूकंपग्रस्तांसाठी 100 ब्लँकेट दान केले. एका पत्राचा फोटो त्यांनी सोशल मीडियावर शेअर केला आहे. या पत्रात म्हटले आहे की, ‘तुर्कस्तानच्या सर्व जनतेला आमचे विनम्र अभिवादन. दोनच दिवसांपूर्वी तुर्कस्तानमधील नैसर्गिक आपत्तीत झालेल्या जीवित आणि मालमत्तेच्या हानीबद्दल आपण सर्वच चिंतेत आहोत, या संकटाच्या काळात आपण सर्व भारतीय तुर्कस्तानच्या पाठीशी दु:खात उभे आहोत. देव तुर्कियेला आशीर्वाद देवो आणि या संकटाला सामोरे जाण्याची हिंमत देवो.”