मध्य पूर्वेतील तणावाच्या पार्श्वभूमीवर कच्च्या तेलाच्या किमतीत वाढ!|Crude oil prices rise amid tensions in the Middle East

मध्य पूर्वेतील तणावाच्या पार्श्वभूमीवर कच्च्या तेलाच्या किमतीत वाढ!

किंमत प्रति बॅरल १०० डॉलरच्या पुढे जाण्याची शक्यता

विशेष प्रतिनिधी

नवी दिल्ली: मध्यपूर्वेत पुन्हा एकदा तणाव निर्माण झाला आहे. त्यामुळे कच्च्या तेलाच्या वाढत्या किमतीत पुन्हा एकदा वाढ झालीआहे. गेल्या दोन आठवड्यांपासून कच्च्या तेलाच्या दरात सातत्याने वाढ होत आहे. आता इराण आणि इस्रायलमधील तणावानंतर कच्च्या तेलाची किंमत प्रति बॅरल १०० डॉलरच्या पुढे जाण्याची शक्यता आहे.Crude oil prices rise amid tensions in the Middle East

रशियन क्रूडवरून भारत आणि चीनमधील स्पर्धा वाढली, कच्च्या तेलाच्या किमतीत उसळी

इराणने शनिवारी रात्री उशिरा इस्रायलवर मिसाइल आणि ड्रोनने हल्ला केला. या हल्ल्यात अद्याप कोणतीही जीवित किंवा वित्तहानी झाल्याचे वृत्त आले नसले तरी दोन्ही देशांमधील तणावामुळे कच्च्या तेलाच्या किमतींवर त्याचा परिणाम नक्कीच होण्याची शक्यता आहे.

गेल्या काही दिवसांपासून कच्च्या तेलाच्या दरात सातत्याने वाढ होत आहे. रविवारी (१४ एप्रिल) कच्च्या तेलाच्या किमतीतही वाढ नोंदवण्यात आली. जिथे डब्ल्यूटीआय क्रूडची किंमत ०.७५ टक्क्यांनी वाढली म्हणजेच ०.६४ डॉलर आणि प्रति बॅरल ८५.६६ डॉलर वर पोहोचली. तर ब्रेंट क्रूडची किंमत 0.79 टक्क्यांनी वाढून 0.71 डॉलरहून प्रति बॅरल 90.45 डॉलर वर पोहोचली आहे. तथापि, इस्रायल आणि इराणमधील तणावामुळे कच्च्या तेलाच्या किमती 100डॉलरच्या वर जाऊ शकतात.