प्रज्वलविरुद्ध अत्याचाराचा, रेवण्णांवर अपहरणाचा गुन्हा; एका मुलाची आईचे लैंगिक शोषण केल्याची तक्रार

By, Pravin Wankhade - May 4, 2024 09:30:28

0

वृत्तसंस्था

बंगळुरू : लैंगिक शोषणाच्या आरोपाखाली अडकलेले कर्नाटकचे माजी मंत्री एच. डी. रेवण्णा व त्यांचे पुत्र प्रज्वल रेवण्णा यांच्याविरोधात फास आवळू लागला आहे. प्रज्वलच्या विरोधात अत्याचार तर रेवण्णाच्या विरोधात अपहरणाचा गुन्हा दाखल झाला आहे. एका महिलेच्या मुलाने आईवरील अत्याचाराचा व्हिडिआे व्हायरल झाल्यानंतर ही तक्रार दाखल केली. पीडित महिलेस तीन मुले आहेत. जनता दलाचे (एस) आमदार रेवण्णा माजी पंतप्रधान एच. डी. देवेगौडा यांचे पुत्र, तर प्रज्वल नातू आहेत. त्यातच एसआयटीने दोघांनाही चौकशीसाठी दुसरी नोटीस पाठवली.Crime of torture against Prajwal, kidnapping against Revanna; A child’s complaint of sexual abuse of his mother

कर्नाटकात सेक्स स्कँडलने खळबळ; देवेगौडांचा मुलगा आणि नातवाविरुद्ध गुन्हा, शेकडो व्हिडिओ आढळले

भाजपने प्रज्वलला पलायनास मदत केली : सिद्धरामय्या

मुख्यमंत्री सिद्धरामय्या म्हणाले, भाजप व ‘जद-एस’ला प्रज्वलच्या व्हिडिआेची माहिती होती. तरीही त्याला तिकीट दिले. त्याने लैंगिक शोषण, अत्याचारही केला. भाजपने प्रज्वलला परदेशात पळून जाण्यासाठी मदत केल्याचा आरोपही मुख्यमंत्र्यांनी केला. त्याचा राजनैतिक पासपोर्ट रद्द केल्यास तो रालोआचा उमेदवार राहणार नाही.

प्रज्वल रेवन्ना यांना लुकआउट नोटीस जारी

कर्नाटक सेक्स स्कँडल प्रकरणी विशेष तपास पथकाने (एसआयटी) हसनचे खासदार प्रज्वल रेवन्ना यांच्याविरोधात गुरुवारी लुकआउट नोटीस जारी केली. प्रज्वल यांच्या अपीलनंतर ही नोटीस आली आहे, ज्यामध्ये त्यांनी एसआयटीसमोर हजर राहण्यासाठी वेळ मागितला होता.

कर्नाटकचे गृहमंत्री जी परमेश्वरा यांनी सांगितले की 7 दिवसांचा वेळ देण्याची तरतूद नाही, जर ते 24 तासांच्या आत चौकशीसाठी हजर झाले नाहीत तर त्यांची अटक देखील शक्य आहे.

प्रज्वल यांनी बुधवारी, 1 मे रोजी X वर एका पोस्टमध्ये लिहिले होते – मी तपासात सहभागी होण्यासाठी बंगळुरूमध्ये नाही, म्हणून मी माझ्या वकिलामार्फत CID बंगळुरूला कळवले आहे. सत्य लवकरच बाहेर येईल.

या प्रकरणाची कायदेशीर अडचण मोठी आहे. गुरुवारी त्याच्याविरोधात लुकआउट परिपत्रक जारी करण्यात आले आहे. त्यानंतरही ते परत न आल्यास न्यायालय विनंती पत्र जारी करण्याचे आदेश देऊ शकते. यानंतर, परराष्ट्र मंत्रालय संबंधित देशाच्या परराष्ट्र मंत्रालयाकडून सहकार्यासाठी पत्र जारी करू शकते. यानंतर त्या देशाच्या तपास यंत्रणेच्या मदतीने तपास अधिकारी तेथे जाऊन आरोपींची चौकशी करू शकतात. गरज भासल्यास परराष्ट्र मंत्रालय प्रज्वल यांचा डिप्लोमॅटिक पासपोर्टही रद्द करू शकते.

रेवन्ना आणि प्रज्ज्वल यांच्या विरोधात एफआयआर दाखल करणाऱ्या महिलेने सांगितले की, ती रेवन्ना यांची पत्नी भवानीची नातेवाईक आहे. तिने आरोप केला की, मोलकरणीच्या कामात रुजू झाल्यानंतर चार महिन्यांतच रेवन्ना तिचा छळ करू लागला. बायको बाहेर असायची तेव्हा रेवन्ना कुठल्या ना कुठल्या बहाण्याने मला खोलीत बोलवायचा आणि अयोग्यपणे स्पर्श करायचा.

आम्हाला प्रज्वलची इतकी भीती वाटायची की तो येताच आम्ही दुकानात लपून बसायचो. प्रज्वल माझ्या मुलीला व्हिडिओ कॉल करायचा आणि अश्लील बोलायचा. महिलेच्या तक्रारीवरून पोलिसांनी 354A, 354D, 506, 509 नुसार गुन्हा दाखल केला आहे. पीडितेने रेवन्ना आणि प्रज्वल यांच्यावर २०१९ ते २०२२ पर्यंत लैंगिक शोषण केल्याचा आरोप केला आहे.