काँग्रेस आमदाराने रॅलीत ‘भारत माता की जय’ म्हणायला मागितली खर्गेंची परवानगी!

By, Pravin Wankhade - April 14, 2024 06:07:24

0

भाजपचा हल्लाबोल; जाणून घ्या नेमकी कुठं घडली घटना? Congress MLA asked Kharges permission to say Bharat Mata Ki Jai in the rally

विशेष प्रतिनिधी

बंगळुरू : भारत माता की जय म्हणण्यापूर्वी मल्लिकार्जुन खर्गे यांच्याकडून ‘मंजुरी’ घेतल्याने काँग्रेस आमदार लक्ष्मण सवदी या आठवड्यात वादात सापडले आहेत. लोकसभा निवडणुकीच्या काही दिवस आधी कर्नाटकातील कलबुर्गी भागात एका निवडणूक रॅलीदरम्यान ही घटना घडली.

सवदी यांनी गेल्या वर्षी विधानसभा निवडणुकीपूर्वी भाजप सोडून काँग्रेसमध्ये प्रवेश केला होता. एका व्हिडिओमध्ये काँग्रेस आमदार म्हणतात, ‘मला आशा आहे की खर्गे साहेब याचा चुकीचा अर्थ काढणार नाहीत. मला तुम्हा सर्वांना हे सांगायचे आहे. मी ‘बोलो भारत माता की जय’ म्हणेन आणि तुम्हा सर्वांना ते माझ्या मागे घट्ट मुठीत आवळून म्हणायचे आहे.

हा व्हिडिओ समोर आल्यानंतर भाजपकडून संताप व्यक्त करण्यात आला असून, कर्नाटक भाजपचे प्रमुख बीवाय विजयेंद्र यांनी याला ‘अत्यंत दयनीय आणि धोकादायक’ घटनाक्रम म्हटले आहे. कर्नाटकात लोकसभा निवडणुकीच्या दुसऱ्या आणि तिसऱ्या टप्प्यात २६ एप्रिल आणि ७ मे रोजी मतदान होणार आहे.

विजयेंद्र यांनी विचारले, ‘काँग्रेसच्या एका नेत्याने आपली देशभक्ती व्यक्त करण्याचा आणि भारत माता की जय म्हणण्याचा प्रयत्न करणे हे अत्यंत दयनीय आणि धोकादायक नाही का?’ भारत माता की जय म्हणण्याचा प्रयत्न करणारा एक काँग्रेस नेता स्वत: अपराधी असल्यासारखं जाणवन घेतो आणि म्हणून आपल्या राष्ट्रीय अध्यक्षांसमोर आपली भूमिका स्पष्ट करू इच्छित आहे, जेणेकरून त्यांनी गैरसमज करू नये.

याचबरोबर भाजप नेते आर अशोक यांनी एक्सवर एका पोस्टद्वारे म्हटले की, पाकिस्तान जिंदाबादी घोषणा करणाऱ्यांची वकिली करणारे मंत्री प्रियांक खर्गे यांची प्रत्येक कृती पाहून आमदार लक्ष्म सवदी यांना काँग्रेसची खरी विचारधारा समजली आहे. ते काँग्रेस पक्षात भारत माता की जय हा नारा देत असल्या प्रचंड घाबरले होते आणि त्यांनी खर्गे यांची परवानगी मागितली होती.