मुस्लिम मतदानाचा टक्का वाढविण्यासाठी नाशकात शहर काझींनी 7 निकाह पुढे ढकलले!! City Qazis postpone 7 Nikahs in Nashik to increase Muslim voter turnout

मुस्लिम मतदानाचा टक्का वाढविण्यासाठी नाशकात शहर काझींनी 7 निकाह पुढे ढकलले!!

विशेष प्रतिनिधी

नाशिक : नाशिक जिल्ह्यातील लोकसभा मतदारसंघांमध्ये मुस्लिम मतदानाचा टक्का वाढवावा, या हेतूने नाशिक शहरात उद्या 20 मे 2024 सोमवारी होणारे 7 निकाह शहर काझींनी पुढे ढकलले आहेत. लोकशाही मजबूत करण्यासाठी मतदानाचा टक्का वाढायला हवा. त्यामुळे सोमवारी होणारे निकाह आणि इतर सार्वजनिक कार्यक्रम रद्द करून ते पुढे ढकलले अशी माहिती स्वतः शहर ए काझी एजाज काझी यांनी दिली. City Qazis postpone 7 Nikahs in Nashik to increase Muslim voter turnout

नाशिकमध्ये येऊन पवार इतिहासात रमले, मोदींना आपण कशी, कुठे आणि केव्हा मदत केली??, हे सांगितले!!

महाराष्ट्रात पहिल्या चार टप्प्यांमध्ये मतदानाचा टक्का इतर राज्यांपेक्षा घसरलेला दिसला तर सर्व राज्यांमध्ये मतदानाची टक्केवारी 60 % ते 65 % अशी ओलांडली असताना महाराष्ट्रातले मतदान 55 % च्या रेंजमध्ये राहिले.

या पार्श्वभूमीवर नाशिक जिल्ह्यातला मुसलमान मतांचा टक्का वाढवण्यासाठी शहर ए काझी एजाज काझी आणि मुस्लिम धर्मगुरू शहर ए खतीब हाफिज हिसामुद्दीन खतीब यांनी सोमवारी होणारे 7 निकाह आणि अन्य सार्वजनिक कार्यक्रम रद्द केले. आता हे 7 निकाह मंगळवारी म्हणजे 21 जून रोजी होणार आहेत, तसेच सार्वजनिक कार्यक्रम आहे इतर दिवशीच होणार आहेत.