'रावण, बाबर, औरंगजेब सनातनचा नाश करू शकले नाहीत, तुम्ही काय...', मुख्यमंत्री योगींचे जोरदार प्रत्युत्तर Chief Minister Yogi Adityanath criticism of opponents who make insulting statements about Sanatan Dharma

‘रावण, बाबर, औरंगजेब सनातनचा नाश करू शकले नाहीत, तुम्ही काय…’, मुख्यमंत्री योगींचे जोरदार प्रत्युत्तर

आज त्यांना त्यांच्या कृत्याची लाज वाटली पाहिजे, असंही योगींनी म्हटलं आहे.

विशेष प्रतिनिधी

लखनऊ : सध्या देशात सनातन धर्माविरुद्ध विष ओकण्याचे प्रकार सुरू झाले आहेत. उदयनिधी असो, ए राजा असो वा प्रियांक खर्गे… सनातन धर्माविरुद्ध अपमानास्पद शब्द बोलण्यात कोणतीही कसर न सोडणाऱ्या विरोधी नेत्यांची यादी आहे. त्याचवेळी मुख्यमंत्री योगी आदित्यनाथ यांनी या सर्वांवर जोरदार हल्ला चढवला आहे. लखनऊमध्ये योगींनी गर्जना केली आणि सनातनविरुद्ध सुरू असलेल्या या भाषणबाजीला पूर्ण विराम दिला. Chief Minister Yogi Adityanath criticism of opponents who make insulting statements about Sanatan Dharma

उत्तर प्रदेशचे मुख्यमंत्री योगी आदित्यनाथ लखनऊमध्ये म्हणाले, “भारताला जगातील सर्वात मोठी शक्ती बनण्यापासून कोणतीही गोष्ट रोखू शकत नाही, रावणाने नाही केले? कंसाने नाही केले? ईश्वराला आव्हान देणारे नष्ट झाले. सनातन सत्य आणि शाश्वत आहे. लखनऊमध्ये ५०० वर्षांपूर्वी अयोध्येत कोणी सनातनचाअपमान करण्याचे काम केले मात्र अयोध्या पुन्हा उभी राहिली, मंदिर बांधले जात आहे.

भगवान श्रीकृष्ण यांचा जन्म धर्म स्थापनेसाठी झाला असल्याचे ते म्हणाले. जेव्हा जेव्हा भारतात कुठेतरी अराजकता पसरली तेव्हा आपल्या दैवी अवतारांनी समाजाला विशेष मार्गाने मार्गदर्शन केले. आज आपला देश सकारात्मक दिशेने काम करत आहे. भारत आपल्या वारशाचा आदर करत समृद्धीकडे वाटचाल करत आहे, परंतु काही लोकांना भारताची ही बदलती जागतिक प्रतिमा पसंत नाही. त्यांच्याकडून वारशाचा अपमान करून सनातन धर्माचा अपमान केला जात आहे.

विरोधकांवर ताशेरे ओढत मुख्यमंत्री योगी म्हणाले की, ” हे सर्वजण विसरले आहेत की, जो सनातन धर्म रावणाच्या अहंकाराने नष्ट झाला नाही, जो सनातन धर्म कंसाच्या हुंकराने डगमगला नाही, जो बाबर औरंगजेबच्या जुलमी राजवटीतही मिटला नाही… त्या सनातनला हे तुच्छ सत्तेचे लोभी काय मिटवू शकतील? आज त्यांना त्यांच्या कृत्याची लाज वाटली पाहिजे. असं योगी म्हणाले आहेत.