केंद्रीय सशस्त्र पोलीस दलाच्या जवानांना मिळणार १० जानेवारीपासून बूस्टर डोस । Central Armed Police Force personnel will get booster dose from January 10

केंद्रीय सशस्त्र पोलीस दलाच्या जवानांना मिळणार १० जानेवारीपासून बूस्टर डोस

बूस्टर किंवा प्रीकॉशन डोस सीआरपीएफ जवानांच्या दृष्टीने अधिक महत्वाचा मानला जात आहे. Central Armed Police Force personnel will get booster dose from January 10

विशेष प्रतिनिधी

नवी दिल्ली : आता लवकरच पाच राज्यांत विधानसभा निवडणुका होणार आहेत.त्याच पार्श्‍वभूमीवर, फ्रंटलाईन कर्मचाऱ्यांच्या श्रेणीत समावेश करून निवडणूक कर्मचाऱ्यांनाही बूस्टर डोस देण्याचा निर्णय घेण्यात आला आहे.निवडणुकांवेळीही सीआरपीएफचे जवान बंदोबस्तासाठी तैनात केले जातात.
दरम्यान केंद्रीय सशस्त्र पोलीस दलांच्या (सीएपीएफ) जवानांचा समावेश फ्रंटलाईन कर्मचाऱ्यांमध्ये करण्यात आला आहे.त्यामुळे त्या जवानांनाही १० जानेवारीपासून करोनालसींचे बूस्टर डोस मिळणार आहेत.

लसीकरणाच्या नव्या गाईडलाइन्स : १५ ते १८ वयोगटातील मुलांचे लसीकरण आणि बुस्टर डोस संदर्भात सोमवारी आरोग्य मंत्रालयाद्वारे नवीन गाइडलाइन्स जाहीर

केंद्रीय राखीव पोलीस दल (सीआरपीएफ), सीमा सुरक्षा दल (BSF), केंद्रीय औद्योगिक सुरक्षा दल ( CISF), भारत-तिबेट सीमा पोलीस दल (ITBP) आणि सशस्त्र सीमा बल (SSB)ही केंद्रीय सशस्त्र दले आहेत.त्या दलांचे जवानही तिसऱ्या डोससाठी पात्र आहेत.बूस्टर किंवा प्रीकॉशन डोस सीआरपीएफ जवानांच्या दृष्टीने अधिक महत्वाचा मानला जात आहे.त्या दलावर देशांतर्गत सुरक्षेची जबाबदारी आहे.