अर्थसंकल्प 2024: नैसर्गिक शेतीपासून ते डिजिटल सर्वेक्षणापर्यंत, शेतकऱ्यांबाबत मोठ्या घोषणा

विशेष प्रतिनिधी

नवी दिल्ली : केंद्रीय अर्थमंत्री निर्मला सीतारामन यांनी 2024-25 या आर्थिक वर्षाचा सर्वसाधारण अर्थसंकल्प सादर केला आहे. या अर्थसंकल्पात जनतेला अनेक भेटी देण्यात आल्या आहेत. अर्थसंकल्पात आरोग्य, शिक्षण, कृषी आणि पायाभूत सुविधांवर भर देण्यात आला आहे. कृषी क्षेत्राबाबत बोलायचे झाले तर कृषी संशोधन केंद्र सरकार स्थापन करेल आणि त्यासाठी निधी उपलब्ध करून दिला जाईल.Budget 2024 From natural farming to digital survey big announcements regarding farmers

अर्थसंकल्प सादर करताच निर्मला सीतारामन रचणार इतिहास ; मोरारजी देसाईंचा ‘हा’ विक्रम मोडणार!

नैसर्गिक शेतीचे प्रमाणीकरण करण्यात येणार असल्याचे अर्थमंत्र्यांनी सांगितले. 10 हजार जैव संशोधन केंद्रे बांधली जातील. नैसर्गिक शेतीसाठी एक कोटी शेतकऱ्यांना मदत करणार असल्याचे त्यांनी सांगितले. तसेच त्याची अंमलबजावणी ग्रामपंचायतींच्या माध्यमातून करण्यात येणार आहे.

याशिवाय 32 पिकांच्या 109 जाती आणणार असल्याचे मंत्री म्हणाले. भाज्यांच्या पुरवठा साखळीवर भर दिला जाईल. केंद्रीय अर्थमंत्री निर्मला सीतारामन यांनी सांगितले की, 400 जिल्ह्यांमध्ये पिकांचे डिजिटल सर्वेक्षण केले जाईल.

तसेच शेतकरी आणि कृषी क्षेत्रासाठी अर्थसंकल्पात १.५२ लाख कोटी रुपयांची तरतूद करण्यात आली आहे. या निधीतून कृषी आणि संबंधित क्षेत्रासाठी योजना तयार करण्यात येणार आहेत.