पीएम मोदींसोबत लंच करणारे बसप खासदार रितेश पांडे यांची पक्षाला सोडचिठ्ठी, भाजपमध्ये केला प्रवेश

By, Pravin Pawar - February 25, 2024 05:00:17

0

वृत्तसंस्था

लखनऊ : बहुजन समाज पक्षाचे आंबेडकर नगरचे लोकसभा खासदार रितेश पांडे यांनी भाजपमध्ये प्रवेश केला आहे. भाजप कार्यालयात आयोजित कार्यक्रमादरम्यान भाजपचे उत्तर प्रदेश प्रभारी बैजयंत पांडा, प्रदेशाध्यक्ष भूपेंद्र चौधरी आणि उपमुख्यमंत्री ब्रिजेश पाठक यांनी त्यांचे स्वागत केले. पांडे यांनी आजच बसपाच्या प्राथमिक सदस्यत्वाचा राजीनामा दिला होता.BSP MP Ritesh Pandey, who had lunch with PM Modi, quits the party, joins BJP

पीएम मोदींच्या हस्ते गुजरातेत सुदर्शन सेतूचे उद्घाटन; जाणून घ्या भारतातील सर्वात लांब केबल-स्टेड ब्रिजबद्दल…

संसदेच्या अर्थसंकल्पीय अधिवेशनादरम्यान संसद भवनाच्या कॅन्टीनमध्ये जेवण घेतलेल्या 9 खासदारांमध्ये रितेश पांडेचा समावेश होता. आंबेडकर नगरमधून भाजप रितेश पांडे यांना तिकीट देऊ शकते, असे बोलले जात आहे. राजकीय कुटुंबातून आलेले रितेशचे वडील राकेश पांडे हे समाजवादी पक्षाचे आमदार आहेत.

बहुजन समाज पार्टी की प्राथमिक सदस्यता से त्यागपत्र pic.twitter.com/yUzVIBaDQ9

— Ritesh Pandey (मोदी का परिवार) (@mpriteshpandey) February 25, 2024

X वर राजीनामा पोस्ट केला

मायावतींना पाठवलेल्या राजीनामा पत्रात रितेश पांडे यांनी लिहिले आहे की, ‘जेव्हा मी बसपामध्ये प्रवेश केला तेव्हा मला तुमचे मार्गदर्शन मिळाले आणि पक्षाचे पदाधिकारी आणि कार्यकर्त्यांनी शक्य ते सर्व सहकार्य केले. पक्षाने मला यूपी विधानसभा आणि लोकसभेत प्रतिनिधित्व करण्याची आणि संसदीय पक्षाचा नेता म्हणून काम करण्याची संधी दिली. या विश्वासाबद्दल मी तुमचा, पक्षाचा, कार्यकर्त्यांचा आणि समर्थकांचा मनापासून आभार मानतो.

नाराजी व्यक्त केली

त्यांनी पत्रात पुढे लिहिले की, ‘बऱ्याच दिवसांपासून मला पक्षाच्या बैठकींना बोलावले जात नव्हते किंवा नेतृत्वाच्या पातळीवरही संवाद साधला जात नव्हता. मी तुमच्याशी आणि उच्च अधिकाऱ्यांशी संपर्क साधण्याचा आणि भेटण्याचा अनेक प्रयत्न केला, पण कोणताही तोडगा निघाला नाही. या काळात मी माझ्या भागातील जनतेच्या आणि कार्यकर्त्यांच्या सतत भेटी घेत राहिलो. पक्षाला यापुढे माझ्या सेवेची आणि उपस्थितीची गरज नाही या निष्कर्षाप्रत मी आलो आहे आणि त्यामुळे माझ्याकडे पक्षाचा राजीनामा देण्याशिवाय पर्याय नाही. पक्षाशी संबंध तोडण्याचा निर्णय हा भावनिकदृष्ट्या कठीण निर्णय आहे. आपणास विनंती आहे की माझा राजीनामा त्वरित स्वीकारावा. मी पुन्हा एकदा तुमचे आणि पक्षाचे आभार व्यक्त करतो आणि माझ्या शुभेच्छा पाठवतो.