भाजपचे ज्येष्ठ नेते लालकृष्ण अडवाणींची प्रकृती खालावली! BJPs senior leader LK Advanis condition worsened

भाजपचे ज्येष्ठ नेते लालकृष्ण अडवाणींची प्रकृती खालावली!

दिल्ली ‘एम्स’मध्ये करण्यात आले दाखल BJPs senior leader LK Advanis condition worsened

विशेष प्रतिनिधी

नवी दिल्ली : भाजपचे ज्येष्ठ नेते आणि माजी उपपंतप्रधान लालकृष्ण अडवाणी यांची प्रकृती खालावली आहे. यानंतर त्यांना दिल्ली एम्समध्ये दाखल करण्यात आले आहे. अडवाणी यांना वयाशी संबंधित समस्यांमुळे रुग्णालयात दाखल करण्यात आल्याचे सांगण्यात येत आहे.

सूत्रांनी दिलेल्या माहितीनुसार, लालकृष्ण अडवाणी यांना एम्सच्या जेरियाट्रिक विभागात दाखल करण्यात आले आहे. जिथे डॉक्टर त्यांची तपासणी करत आहेत. अडवाणी यांची प्रकृती खालावल्यानंतर खबरदारीचा उपाय म्हणून त्यांना एम्समध्ये दाखल करण्यात आले होते.

मात्र, त्यांच्या प्रकृतीबाबतचे ताजे अपडेट अद्याप समोर आलेले नाही. ज्येष्ठ नेते लालकृष्ण अडवाणी यांना यावर्षी भारत सरकारने देशातील सर्वोच्च नागरी सन्मान म्हणजेच भारतरत्न देऊन सन्मानित केले आहे.