तेलंगणात भाजपने 2 टक्के मते मिळवून दाखवावीत आणि मग OBC मुख्यमंत्र्याच्या बाता माराव्यात; राहुल गांधींनी डिवचले

By, Pravin Wankhade - November 26, 2023 07:00:31

0

BJP should get 2 percent votes in Telangana

वृत्तसंस्था

कामारेड्डी : काँग्रेसचे खासदार राहुल गांधी यांनी तेलंगणात एकाच वेळी भारत राष्ट्र समिती आणि भाजप यांना अंगावर घेतले. भाजपच्या कारचे चारही टायर्स पंचर केल्याचे सांगून त्यांनी मुख्यमंत्री के. चंद्रशेखर राव यांना डिवचलेच, पण त्या पलीकडे जाऊन भाजपला देखील आधी 2 % मते मिळवून दाखवावीत आणि मग OBC मुख्यमंत्री करण्याच्या बाता माराव्यात, असा टोला हाणला. BJP should get 2 percent votes in Telangana

कामारेड्डी जिल्ह्यात काँग्रेसच्या प्रचार सभेत राहुल गांधींनी जोरदार बॅटिंग केली. भाजपच्या कारचे चारही टायर काँग्रेसने पंक्चर केल्याचे सांगून राहुल गांधींनी चंद्रशेखर राव यांना डिवचले. कारण भाजपचे नव्हे, तर भारत राष्ट्र समितीचे निवडणूक चिन्ह कार आहे. राहुल गांधींनी आपल्या टीकेतून भाजप आणि भारत राष्ट्र समिती यांचे साटे लोटे असल्याची टीका केली.

#WATCH तेलंगाना: कांग्रेस नेता राहुल गांधी ने कामारेड्डी में जनसभा को संबोधित करते हुए कहा, "पूरा देश जानता है मैं नरेंद्र मोदी के खिलाफ लड़ता हूं। मेरे खिलाफ 24 केस हैं। 55 घंटे, 5 दिन ED ने मुझसे सवाल पूछे। 2 बजे रात तक मेरी लोकसभा की सदस्यता रद्द कर दी, मेरा घर छीन लिया। अगर… pic.twitter.com/N03nTCo1Ei

— ANI_HindiNews (@AHindinews) November 26, 2023

राहुल गांधी म्हणाले :

मी पंतप्रधान नरेंद्र मोदी यांच्या विरोधात लढतो हे सगळ्यांना माहिती आहे. माझ्या विरोधात 24 केसेस आहेत ED ने मला 5 दिवसांत 55 तास प्रश्न विचारले माझी चौकशी आणि तपास केला. माझे हक्काचे घर हिरावून घेतले. पण KCR हे मोदीं विरोधात खरे लढतच नाहीत जर ते खरे लढत असते तर त्यांच्याविरुद्ध केसेस का नाही केल्या?? त्यांचे घर का हिरावून घेतले नाही यांची विधानसभेची सदस्यता रद्द का केली नाही याचा अर्थच KCR खऱ्या अर्थाने नरेंद्र मोदी विरोधात लढतच नाहीत.

माझे हक्काचे घर हिरावून घेतले तरी हिंदुस्थानात माझी करोडो घरे आहेत लोकांच्या हृदयात माझी घरे आहेत.

तेलंगणा भाजपचे नेते छाती फुगवून फिरत होते नरेंद्र मोदी, अमित शाह, योगी आदित्यनाथ सगळे छाती पुढे काढून चालत होते. तेलंगणात OBC मुख्यमंत्री करण्याच्या बाता मारत होते. पण आधी भाजपने येथे 2 % मते मिळवून दाखवावेत आणि मग OBC मुख्यमंत्री करण्याच्या बाता कराव्यात, असा टोला राहुल गांधी यांनी भाजपला हाणला.

प्रत्यक्षात मतदान टक्केवारी

2018 विधानसभा निवडणूक

भाजप : 6.98 % मते (1 आमदार)

2019 लोकसभा निवडणूक

भाजप : 19.65 % मते (4 खासदार)