विशेष प्रतिनिधी
मुंबई : झारखंड विधानसभा निवडणुकीसाठी भाजपने आपला जाहीरनामा प्रसिद्ध केला आहे. विशेष बाब म्हणजे भगवान बिरसा मुंडा यांच्या 150 व्या जयंतीनिमित्त 150 ठराव जारी करण्यात आले आहेत. यामध्ये 300 युनिट वीज मोफत, 500 रुपयांमध्ये गॅस सिलिंडर आणि 1.25 कोटी घरांना सौरऊर्जेने जोडण्याची घोषणा करण्यात आली आहे. तसेच गोगो दीदी योजनेंतर्गत महिलांना दरमहा २१०० रुपये देण्याचे आश्वासन देण्यात आले आहे. केंद्रीय गृहमंत्री अमित शहा यांच्या हस्ते हे ठराव पत्र जारी करण्यात आले.
सतत डावलले जात असल्याने रिपाइं (आठवले गट) नाराज, महायुतीचा प्रचार करणार नसल्याची भूमिका
महिला आणि तरुणांवर भाजपचा भर
जाहीरनामा जारी करताना अमित शहा यांनी हेमंत सोरेन सरकारवर सडकून टीका केली. या ठराव पत्रामुळे जनतेच्या अपेक्षा पूर्ण होतील, असे ते म्हणाले. आम्ही सांगतो ते करण्याचा आमच्याकडे ट्रॅक रेकॉर्ड आहे. ही निवडणूक झारखंडच्या भविष्याची निवडणूक आहे.
जाहीरनामा प्रसिद्ध केल्यानंतर अमित शहांनी घाटशिला, सिमरिया आणि बरकाथा येथे तीन ठिकाणी जाहीर सभा घेतल्या. घाटशिला मतदारसंघातून माजी मुख्यमंत्री चंपाई सोरेन यांचे पुत्र बाबूलाल सोरेन आणि झामुमोचे रामदास सोरेन यांच्यात थेट लढत आहे. तर बहरगोरा येथून भाजपचे दिनेशानंद गोस्वामी आणि झामुमोचे समीर मोहंती यांच्यात लढत आहे. पक्षासाठी आव्हान बनलेल्या भाजपच्या बंडखोरांना जेरबंद करण्यावर गृहमंत्र्यांचे लक्ष असेल.
To be published, comments must be reviewed by the administrator.*
Our website uses cookies to improve your experience. Learn more
Download App
