खुशखबर : केंद्र सरकारने केंद्रीय कर्मचाऱ्यांची दिवाळी केली गोड, महागाई भत्त्यात 3 टक्क्यांनी वाढ । Big Breaking News dearness allowance of central government employees and pensioners increased by 3 percent

खुशखबर : केंद्र सरकारने केंद्रीय कर्मचाऱ्यांची दिवाळी केली गोड, महागाई भत्त्यात 3 टक्क्यांनी वाढ

केंद्र सरकारचे कर्मचारी आणि पेन्शनधारकांसाठी आज एक मोठा निर्णय घेण्यात आला आहे. त्यांच्यासाठी दिवाळी भेट म्हणून महागाई भत्ता वाढवण्याचा निर्णय घेण्यात आला आहे. गुरुवारी झालेल्या मंत्रिमंडळाच्या बैठकीत केंद्र सरकारचे कर्मचारी आणि पेन्शनधारकांसाठी महागाई भत्ता 3 टक्क्यांनी वाढवण्यास मंजुरी देण्यात आली आहे. Big Breaking News dearness allowance of central government employees and pensioners increased by 3 percent

वृत्तसंस्था

नवी दिल्ली : केंद्र सरकारचे कर्मचारी आणि पेन्शनधारकांसाठी आज एक मोठा निर्णय घेण्यात आला आहे. त्यांच्यासाठी दिवाळी भेट म्हणून महागाई भत्ता वाढवण्याचा निर्णय घेण्यात आला आहे. गुरुवारी झालेल्या मंत्रिमंडळाच्या बैठकीत केंद्र सरकारचे कर्मचारी आणि पेन्शनधारकांसाठी महागाई भत्ता 3 टक्क्यांनी वाढवण्यास मंजुरी देण्यात आली आहे.

DA मध्ये आणखी 3 टक्क्यांची वाढ म्हणजे आता महागाई भत्ता (DA) 31 टक्के होईल. 1 कोटीहून अधिक केंद्रीय कर्मचारी आणि पेन्शनधारकांना या वाढीचा थेट लाभ मिळेल.

हे लक्षात घेण्यासारखे आहे की यावर्षी जुलैमध्येच सरकारने महागाई भत्ता (डीए वाढ) 11 टक्क्यांनी वाढवून 28 टक्के केला होता. यापूर्वी 17 टक्के दराने डीए देण्यात येत होता.

दिवाळीपूर्वी एसटी कर्मचाऱ्यांना थकीत महागाई भत्ता द्या; एसटी कर्मचारी काँग्रेसची मागणी

का केली वाढ?

खरे तर कामगार मंत्रालयाने एआयसीपीआयच्या गेल्या तीन महिन्यांची आकडेवारी जाहीर केली होती. यामध्ये जून, जुलै आणि ऑगस्टच्या आकड्यांचा समावेश होता. ऑगस्टमध्ये AICPI निर्देशांक 123 अंकांवर पोहोचला आहे. यावरून असे सूचित करण्यात आले की, सरकार महागाई भत्त्यामध्ये आणखी वाढ करू शकते. या आधारावर, केंद्रीय कर्मचाऱ्यांचा महागाई भत्ता ठरवला जातो.

इतर भत्त्यांमध्येही वाढीचा परिणाम

महागाई भत्त्यात वाढ झाल्याने इतर भत्तेही वाढतील. यात प्रवास भत्ता आणि शहर भत्ता समाविष्ट आहे. त्याचबरोबर भविष्य निर्वाह निधी आणि सेवानिवृत्तीसाठी ग्रॅच्युइटीमध्ये वाढ होईल.