निर्णय पक्का! बसपा स्वबळावरच लोकसभा निवडणूक लढवणार – मायावतींनी केली घोषणा

By, Pravin Wankhade - December 1, 2023 06:00:20

0

यंदाची लोकसभा निवडणूक रंजक ठरणार असल्याचेही सांगितले आहे.

विशेष प्रतिनिधी

लखनऊ : बहुजन समाज पक्ष 2024 ची लोकसभा निवडणूक स्वबळावर लढवणार आहे. ते कोणत्याही पक्षाशी युती करणार नाही आणि पक्षाच्या सुप्रीमो आणि उत्तर प्रदेशच्या माजी मुख्यमंत्री मायावती यांनी ही घोषणा केली.Bahujan Samaj Party will contest Lok Sabha elections alone Mayawati announced

30 नोव्हेंबर रोजी बसपा सुप्रीमो मायावती यांनी मोठी घोषणा केली. बसपाने कोणत्या आधारावर एकट्याने निवडणूक लढवण्याचा निर्णय घेतला आहे, हे सांगितले. मायावतींनी लखनऊमध्ये आपल्या कार्यकर्त्यांना संबोधित केले. म्हणाल्या, ” बसपा स्वबळावर निवडणूक लढवणार… निर्णय पक्का आहे.”

मुख्यमंत्री एकनाथ शिंदेंना भेटणे बसपा नेत्याला महागात, माजी मंत्री राजकिशोर यांची पक्षातून मायावतींनी केली हकालपट्टी

निर्णयाचा आधार काय?

या निर्णयाचा आधारही मायावतींनी स्पष्ट केला. रणनीतीमागील विचार त्यांनी स्पष्ट केला. त्या म्हणाल्या- यूपी आणि उत्तराखंडमधील संघटनेचा आढावा घेतल्यानंतर एकट्याने लढण्याचा निर्णय घेतला. केंद्र आणि उत्तर प्रदेश सरकारच्या जनविरोधी धोरणांमुळे आणि कार्यपद्धतीमुळे झपाट्याने बदलत असलेल्या परिस्थितीत कोणत्याही एका पक्षाच्या वर्चस्वापेक्षा बहुकोनी संघर्षाचा मार्ग निवडण्यास लोक उत्सुक आहेत. अशा परिस्थितीत लोकसभेची पुढील सार्वत्रिक निवडणूक रंजक असेल, ती संघर्षाची आणि व्यापक जनहिताची आणि राष्ट्रहिताची ठरेल.

मायावतींनी राहूल गांधींना फटकारले, दुसऱ्या पक्षावर बोलण्यापेक्षा स्वत;च्या पक्षाची चिंता करा

केंद्र आणि उत्तर प्रदेश सरकारवर हल्ला –

मायावतींनी देशाच्या राजकारणात बसपचे महत्त्व विशद केले आणि केंद्र तसेच राज्य सरकारच्या अपयशाची गणना केली. त्या म्हणाल्या, आगामी निवडणुकीत बसपा महत्त्वाची भूमिका बजावणार आहे. जनतेला एकच पक्ष नको, तर बहुआयामी संघर्ष हवा आहे… यावेळची लोकसभा निवडणूक खूपच रंजक असेल