Nitin Gadkari’ : फास्टॅगसाठी फक्त ३,००० रुपयांत वार्षिक पास; नितीन गडकरींचा महत्त्वाकांक्षी उपक्रम, महामार्ग प्रवास होणार आणखी सुलभ

By, Pravin Wankhade - June 19, 2025 11:30:14

0

विशेष प्रतिनिधी

नवी दिल्ली : Nitin Gadkari’ देशातील टोलप्रणालीला अधिक सुलभ आणि पारदर्शक बनवण्यासाठी केंद्र सरकारने आणखी एक महत्त्वपूर्ण पाऊल उचलले आहे. केंद्रीय रस्ते वाहतूक आणि महामार्ग मंत्री नितीन गडकरी यांनी नुकताच फास्टॅग आधारित “वार्षिक पास” सुरु करण्याची घोषणा केली आहे. केवळ ३,००० रुपयांमध्ये उपलब्ध होणारा हा पास १५ ऑगस्ट २०२५ पासून लागू होणार असून, एकाच टोल व्यवहारात वर्षभराचे प्रवास शुल्क भरता येईल.Nitin Gadkari’

गडकरी यांनी स्पष्ट केले की, या पासद्वारे वाहनचालक एकतर २०० टोल प्रवास करू शकतील किंवा पास सुरु झाल्यानंतर एक वर्षाच्या कालावधीपर्यंत वापर करू शकतील—ज्यापैकी जे आधी होईल, ते मर्यादा ठरेल. विशेषतः गैर-व्यावसायिक खासगी वाहनांसाठी हा पास उपलब्ध असेल. यात कार, व्हॅन, जीप इत्यादी खासगी वाहनांचा समावेश आहे. मात्र, ट्रक, बसेस किंवा व्यावसायिक वाहतूक साधनांना यामध्ये सवलत दिली जाणार नाही.

Ajit Pawar : अजितदादांनी नाकारला सत्तेच्या वाट्यातला तुकडा; पवारांनी परतीचा दोर कापला

हा पास देशभरातील सर्व राष्ट्रीय महामार्गांवर (National Highways) आणि एक्स्प्रेस वे वर लागू असेल. यामुळे वाहनचालकांना वारंवार फास्टॅग रिचार्ज करण्याची गरज भासणार नाही. या योजनेमुळे प्रवासाचा खर्च ठराविक मर्यादेत राहील आणि वाहनचालकांना आर्थिकदृष्ट्या दिलासा मिळेल.

नवीन फास्टॅग पाससाठी नोंदणी करण्यासाठी खास लिंक ‘महामार्ग प्रवास ॲप’, NHAI आणि परिवहन मंत्रालयाच्या (MoRTH) अधिकृत संकेतस्थळावर उपलब्ध करून दिली जाईल.

FASTag एनुअल पास स्कीम से संबंधित जानकारी।#FASTagBasedAnnualPass #PragatiKaHighway pic.twitter.com/OvGHbtAEFG

— Nitin Gadkari (@nitin_gadkari) June 18, 2025

गडकरी म्हणाले की, “टोल नाक्यांवरील वेळ वाचवणे, गर्दी कमी करणे आणि प्रवासाच्या सोयीसाठी ही योजना अत्यंत उपयुक्त ठरेल. टोल नाक्यांवर होणारे वाद टाळण्यासही ही योजना मदत करेल. ही एक ऐतिहासिक पायरी ठरणार आहे.”

विशेषत: एका राज्यातून दुसऱ्या राज्यात जाणाऱ्या प्रवाशांना याचा अधिक फायदा होणार असून, गाडीमालकांसाठी ही योजना “वन टाईम पेमेंट, अनलिमिटेड कम्फर्ट” अशी ठरणार आहे.

या नव्या योजनेच्या अंमलबजावणीमुळे वाहनचालकांचा वेळ, पैसा आणि मानसिक त्रास कमी होईल आणि टोल नाक्यांवरची व्यवस्थाही अधिक आधुनिक व जलद होईल.