Andhra Pradesh : आंध्र प्रदेशचे उपमुख्यमंत्री पवन कल्याण यांना जिवे मारण्याची धमकी, पोलिस तपास सुरू

By, Pravin Wankhade - December 10, 2024 05:00:31

0

वृत्तसंस्था

हैदराबाद : Andhra Pradesh आंध्र प्रदेशचे उपमुख्यमंत्री पवन कल्याण यांना जीवे मारण्याच्या धमक्या आल्या आहेत. सोमवारी सायंकाळी पवन कल्याणच्या राहत्या घरी जीवे मारण्याची धमकी देणारा फोन आला. कल्याण यांना एका अनोळखी नंबरवरून फोन आला आणि कॉलरने शिवीगाळ करून जीवे मारण्याची धमकी दिल्याचे सूत्रांनी सांगितले.Andhra Pradesh

या फोनची माहिती पोलिसांना देण्यात आली असून घटनेचा तपास सुरू करण्यात आल्याचे सूत्रांनी सांगितले. ही धमकी कोणी दिली आणि कोठून फोन केला हे सध्या कळू शकलेले नाही. पोलीस या संपूर्ण प्रकरणाचा तपास करण्यात व्यस्त आहेत.

Bharat Todo : भारत तोडो’च्या पार्श्वभूमीवर राष्ट्रीयत्व बळकट करण्याची गरज; अविनाश धर्माधिकारी यांचे प्रतिपादन

कल्याण यांनी काही काळापूर्वी हे विधेयक मांडले होते

अभिनेता-राजकारणी कल्याण यांनी गेल्या महिन्यात राज्य विधानसभेत सोशल मीडिया गैरवर्तन संरक्षण विधेयक सादर करण्याचा प्रस्ताव ठेवला होता आणि ऑनलाइन छळाच्या मुद्द्यांवर कारवाई करण्याची सरकारला विनंती केली होती. विधानसभेत बोलताना त्यांनी सार्वजनिक व्यक्तींना, विशेषत: महिलांना लक्ष्य करून होणाऱ्या ऑनलाइन छळावर चिंता व्यक्त केली होती.

ते म्हणाले होते की डिजिटल प्लॅटफॉर्मचा गैरवापर धोकादायक पातळीवर पोहोचला आहे, राजकीय नेते लोकांवर नियंत्रण ठेवण्यासाठी आणि धमकावण्यासाठी त्याचा वापर करत आहेत. सायबर गुंडगिरीची ही प्रवृत्ती लोकशाही प्रक्रियेसाठी हानिकारक आहे आणि आंध्र प्रदेशने आपल्या नागरिकांच्या हक्कांचे रक्षण करण्यासाठी आदर्श ठेवला पाहिजे, असा युक्तिवाद कल्याण यांनी केला.