अमृता शेरगिलच्या पेंटिंगचा 61.8 कोटींना लिलाव; रझांचे रेकॉर्ड तोडले!!

विशेष प्रतिनिधी

नवी दिल्ली : प्रख्यात भारतीय चित्रकार अमृता शेरगिल यांच्या पेंटिंगचा तब्बल 61.8 कोटी रुपयांचा लिलाव झाला आहे. दुसरे भारतीय चित्रकार एच. एस. रझा यांचे रेकॉर्ड शेरगिल यांच्या पेंटिंगने मोडले आहे. “द स्टोरी टेलर” नामक हे पेंटिंग अमृता शेरगिल यांनी 1937 मध्ये साकारले होते. सॅफ्रन आर्ट लिलाव केंद्राने हे पेंटिंग तब्बल 61.8 कोटी रुपयांना विकले. Amrita Shergill’s painting auctioned for 61.8 crores

या आधी भारतीय चित्रकार एच एस रझा यांच्या जीई स्टेशन या पेंटिंगला लिलावात 51. 75 कोटी रुपये मिळाले होते, तर अमृता शेरगील यांच्या “इन द लेडीज एनक्लोजर” या पेंटिंगला दोनच वर्षांपूर्वी 37.8 कोटी रुपये मिळाले होते. हे पेंटिंग देखील सॅफ्रन आर्ट लिलाव केंद्रानेच विकले होते.

अमृता शेरगिल भारतीय पिता उमराव सिंह शेरगिल आणि हंगेरियन माता मेरी एंटनी गोट्समन यांच्या कन्या होत. भारतीय स्वातंत्र्यपूर्व काळात अवघी 28 वर्षे जीवन लाभलेल्या अमृता शेरगिल या फ्रान्सच्या पॅरिसमध्ये शिकल्या आणि नंतर वडिलांबरोबर त्या भारतात आल्या. भारतीय जीवनाशी समरस झाल्या आणि त्यांनी भारतीय जीवनशैलीशी संबंधित चित्रे रेखाटली. संगीत आणि अभिनयाची देखील त्यांना जाणकारी होती.

Amrita Shergill’s painting auctioned for 61.8 crores

महत्वाच्या बातम्या

• अमृता देशमुख चा होणाऱ्या नवऱ्यासाठी खास उखाणा! समाज माध्यमात व्हिडिओ व्हायरल
• ”जेडीयू-आरजेडी युती तेल आणि पाण्यासारखी आहे, ते कधीच…” अमित शाह यांचे विधान!
• बहुजनांनी तुम्हा उच्चवर्णीयांसाठी फक्त बलिदानच द्यायचे का??; सुजात आंबेडकरांनी रोहित पवारांना फटकारले
• लष्कराने घेतला हौतात्म्याचा बदला, बारामुल्लामध्ये तीन दहशतवाद्यांचा खात्मा; अनंतनागमध्येही कारवाई सुरूच