अमित शाहांचा लालू प्रसाद यादवांवर हल्लाबोल; म्हणाले, 'बिहारमध्ये जंगलराज आणला होता आणि आता...' Amit Shahs attack on Lalu Prasad Yadav Said lalu brought Jungalraj in Bihar

अमित शाहांचा लालू प्रसाद यादवांवर हल्लाबोल; म्हणाले, ‘बिहारमध्ये जंगलराज आणला होता आणि आता…’

मोदींनी या देशातून भतीजावाद, जातीवाद आणि तुष्टीकरण दूर करण्याचे काम केले आहे. असंही शाह म्हणाले आहेत. Amit Shahs attack on Lalu Prasad Yadav Said lalu brought Jungalraj in Bihar

विशेष प्रतिनिधी

कटिहार : केंद्रीय गृहमंत्री अमित शाह यांनी रविवारी बिहारमधील कटिहार जिल्ह्यातील राजेंद्र स्टेडियमवर निवडणूक रॅलीला संबोधित केले. आपल्या भाषणाच्या सुरुवातीलाच गृहमंत्री अमित शाह यांनी लोकांना एनडीएच्या बाजूने मतदान करून पंतप्रधान नरेंद्र मोदींना पुन्हा पंतप्रधान करण्याचे आवाहन केले.

यावेळी अमित शाह म्हणाले की, त्रिमुहनी संगम, कटिहार या पवित्र भूमीला मी सलाम करतो. ते म्हणाले की, देशातील जनतेने ठरवायचे आहे की पुढील 5 वर्षे पंतप्रधान कोण होणार? ते जिथे जातात तिथे लोक मोदी मोदीचा नारा देतात.

अमित शाह म्हणाले की, मोदींनी या देशातून भतीजावाद, जातिवाद आणि तुष्टीकरण दूर करण्याचे काम केले आहे. इतकी वर्षे काँग्रेस पक्ष आणि त्यांचे सहकारी लालूजी गरिबी हटवा म्हणत असत. पण गरिबी हटली नाही तर जनतेला मोफत धान्य देण्याचे काम मोदींनी केले. दहा वर्षांत मोदींनी गरिबांच्या जीवनात मोठा बदल घडवून आणला.

याचबरोबर अमित शाह असेही म्हणाले की, तुम्हाला लालू-राबडी राजवट आठवते की नाही? लालूंनी बिहारला जंगलराज बनवले. त्यांना पुन्हा बिहारला कंदील युगात घेऊन जायचे आहे आणि ओबीसींवर अत्याचार करायचे आहेत. लालू यादव यांच्या सरकारमध्ये गरीब आणि अत्यंत मागासलेल्या लोकांवर अत्याचार होत होते. मला लालूजींना सांगायचे आहे की काँग्रेसने मंडल आयोगाला विरोध केला होता आणि लालू आणि त्यांची मुले अशा विरोधकांच्या मांडीवर बसली आहेत. नरेंद्र मोदींनी मागासवर्गीयांना घटनात्मक मान्यता दिली. मागासवर्ग आयोगाच्या स्थापनेवर काम केले. केंद्रीय विद्यालय, नवोदय विद्यालय आणि सैनिक शाळेच्या प्रवेशातही आरक्षण देण्यात आले आहे.