चित्रपट अभिनेत्री कंगना राणावतनंतर महाभारत मालिकेत कृष्णाची भूमिका साकारणारे नितीश भारद्वाज यांनीही पुस्तकांमध्ये शिकवल्या जाणाऱ्या स्वातंत्र्याच्या कथांवर प्रश्नचिन्ह उपस्थित केले आहे. काँग्रेसमुळे आम्हाला जे स्वातंत्र्य मिळाले, ते पूर्ण सत्य नाही, असे ते म्हणाले. after kangana ranaut actor nitish bhardwaj also raised questions on the stories of independence
विशेष प्रतिनिधी
जबलपूर : चित्रपट अभिनेत्री कंगना राणावतनंतर महाभारत मालिकेत कृष्णाची भूमिका साकारणारे नितीश भारद्वाज यांनीही पुस्तकांमध्ये शिकवल्या जाणाऱ्या स्वातंत्र्याच्या कथांवर प्रश्नचिन्ह उपस्थित केले आहे. काँग्रेसमुळे आम्हाला जे स्वातंत्र्य मिळाले, ते पूर्ण सत्य नाही, असे ते म्हणाले. काँग्रेसमुळेच स्वातंत्र्य मिळाले, असे काँग्रेस सरकारे सांगते. तर प्रत्यक्षात इंग्रज युरोप आणि भारत देशाच्या तात्कालिक परिस्थितीसमोर मजबूर होऊन येथून गेल्याचे ते म्हणाले.
आपल्या जन्मगावी जबलपूर येथे आलेल्या नितीश भारद्वाज यांनी पत्रकारांशी बोलताना कंगनाच्या वक्तव्यावर बोलण्यास नकार दिला, मात्र, केवळ काँग्रेसच्या जोरावर देशाला स्वातंत्र्य मिळालेले नाही, असे निश्चितपणे सांगितले. इतिहासातील अनेक घटनांचा आजपर्यंत उल्लेख झालेला नाही. 1942 मध्येच काँग्रेसची चळवळ अपयशी ठरली होती. इतिहास पूर्ण सत्य दाखवत नाही.
यासोबतच भारद्वाज यांनी उत्तर प्रदेशच्या योगी सरकारचेही कौतुक केले आहे. नितीश भारद्वाज म्हणाले की, एक काळ होता जेव्हा लोक उत्तर प्रदेशात जायला घाबरत होते, मात्र योगी सरकार आल्यानंतर उत्तर प्रदेश गुन्हेगारीमुक्त झाला आहे. आणि आज मला उत्तर प्रदेशात जाऊन अभिमान वाटतो. भाजप सरकारने उत्तर प्रदेशात सातत्याने विकास केला आहे.
नितीश भारद्वाज यांनी सलमान खुर्शीद यांच्या हिंदुत्वाची तुलना बोको हरामशी करणार्‍या पुस्तकावर भाष्य करण्यास नकार देत, जोपर्यंत ते पुस्तक वाचत नाही तोपर्यंत त्यांच्याबद्दल कोणतेही मत व्यक्त करणार नाही, असे म्हटले.
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more