पुण्यात Zika विषाणूची 6 प्रकरणे नोंदली गेली, दोन गर्भवती महिलांनाही झाला संसर्ग

By, Pravin Wankhade - July 2, 2024 04:00:24

0

शहरात फॉगिंग आणि फ्युमिगेशनसारख्या उपाययोजना केल्या जात आहेत.

विशेष प्रतिनिधी

पुणे : पुणे शहरात झिका विषाणूचे रुग्ण आढळल्यानंतर खळबळ उडाली आहे. आरोग्य अधिकाऱ्यांनी दिलेल्या माहितीनुसार, शहरात झिका व्हायरसची लागण झाल्याची सहा प्रकरणे समोर आली आहेत. झिका विषाणूची लागण झालेल्यांमध्ये दोन गर्भवती महिलांचाही समावेश आहे.6 cases of Zika virus reported in Pune two pregnant women also infected

पुण्यातील एरंडवणे भागातील २८ वर्षीय गर्भवती महिलेला झिका विषाणूची लागण झाल्याचे आरोग्य अधिकाऱ्यांनी सांगितले. शुक्रवारी त्यांचा अहवाल झिका विषाणू पॉझिटिव्ह आढळला. तसेच आणखी एका गर्भवती महिलेलाही झिका व्हायरसची लागण झाल्याचे आढळून आले आहे.

पुण्यात आजपासून “सक्षम” संघटनेचे राष्ट्रीय अधिवेशन; शोभायात्रा आणि प्रदर्शन घेतील लक्ष वेधून!!

झिका व्हायरसची लागण झालेल्या एका गर्भवती महिलेला जास्त धोका असल्याचे सांगण्यात येत आहे. कारण झिका व्हायरसच्या संसर्गामुळे गर्भवती महिलांमध्ये गर्भात मायक्रोसेफली होण्याचा धोका असतो. ज्यामध्ये मेंदूच्या असामान्य विकासामुळे डोके खूपच लहान होते. ज्यामुळे मुलासाठी धोका निर्माण होऊ शकतो.

पुण्यातील झिका विषाणू संसर्गाचा पहिला रुग्ण एरंडवणे परिसरातच आढळून आला होता. शहरातील एका ४६ वर्षीय डॉक्टरचा झिका रिपोर्ट पॉझिटिव्ह आला होता. त्यानंतर त्यांच्या १५ वर्षांच्या मुलीचे नमुनेही झिका पॉझिटिव्ह आढळले. याशिवाय, इतर दोन प्रकरणांमध्ये ४७ वर्षीय महिला आणि २२ वर्षीय पुरुषाला झिका व्हायरसची लागण झाल्याचे आढळून आले. हे दोन्ही प्रकार मुंढवा परिसरातून उघडकीस आले आहेत.

पुण्यात झिका व्हायरसची प्रकरणे समोर आल्यानंतर खळबळ उडाली आहे. झिका व्हायरसपासून लोकांना वाचवण्यासाठी आरोग्य अधिकाऱ्यांनीही तयारी सुरू केली आहे. पुणे महापालिकेच्या आरोग्य विभागाने सर्व रुग्णांवर देखरेख वाढवली आहे. अधिकाऱ्यांच्या म्हणण्यानुसार, झिका प्रकरणे पाहता आणि संक्रमित डासांना रोखण्यासाठी शहरात फॉगिंग आणि फ्युमिगेशनसारख्या उपाययोजना केल्या जात आहेत.